चितवन । कालिका एफएम चितवन भरतपुरका समाचार बाचक एवम साहित्यकार द्वारिका नेपालको निधन भएको । मष्तिस्कघातका कारण गम्भिर विरामी पर्नुभएका नेपालको काठमाण्डौमा उपचार हुँदैगर्दा निधन भएको हो ।
गृहजिल्ला रौतहटको चन्द्रनिगाहापुर जाने क्रममा असोज २५ गते बाराको तामागढी जंगलमा पुग्दा एक्कासी मष्तिस्कघात भएर अर्धचेत अवस्थामा पुग्नुभएका उहाँलाई थप उपचारका लागि काठमाडौंको ग्राण्डी अस्पताल लगिएको थियो । उहाँको त्यही उपचार भैरहेको थियो । सीएमसीमा पनि उपचार हुँदैगर्दा सम्भव नभएपछि हेलिकप्टर मार्फत असोज २६ गते काठमाण्डौ लगिएको थियो ।
नेपाल प्रेस चौतारी नेपाल बाग्मती प्रदेश कमिटि सदस्य ,गजल मंच चितवनको अध्यक्ष र विभिन्न विद्यालयहरुमा प्राध्यापन गर्दै आउनुभएको थियो ।
नेपाल पत्रकार महासंघ चितवनका सचिव दिपेन्द्र अधिकारीका अनुसार नेपालको पार्थिव शरिर भरतपुर महानगरपालिका वडा नम्वर १० रमाईलोचोक स्थित निवासमा विहान ११ वजेपछि अन्तिम श्राद्धन्जलिका लागि राखिने र आजै पवित्र तिर्थस्थल देवघाटमा अन्तेष्टी गरिने छ । नेपालका श्रीमती, एक छोरी र एक छोरा छन् । उहाँको निधनले पत्रकारिता साहित्य क्षेत्रमा अपूरणीय क्षती पुगेको भन्दै सामाजिक संञाजलमा धेरैले समवेदना व्यक्त गरेका छन् ।
