असोज १८ । राप्रपा नेपालका अध्यक्ष राजेन्द्र लिग्देनले देश अझै लिकमा नआएको भन्दै मान्छे फेरिए पनि जनताको समस्या उस्तै रहेको बताए । नेपाली काँग्रेसको १५ औँ महाधिवेशनलाई सम्वोधन गर्दै उनले नयाँ व्यक्ति आए परिवर्तन हुन्छ भनेपनि झन समस्या बढ्दै गएको बताए । समस्या मान्छेमा मात्रै होइन व्यवस्था र संविधानमा छ भन्दै उनले कुरान बाइवल नभएको संविधान आवश्यकता अनुसार संशोधन गर्न आह्वान गरे ।
अव कसैले नहार्ने , सिगो देशले जित्ने गरी राजा देखि नयाँ राजनीतिक दल युवा पुस्तालाई एक ठाउँमा राखेर राष्ट्रिय सहमति गर्न आवश्यक भएको बताए ।
२००७, २०४६,२०६२,६३ र जेन्जी आन्दोलनको चाहाना सवैलाई संरक्षित गर्दै नयाँ ढंगले देशलाई अगाडि लैजानुपर्नेमा जोड दिए । अन्यथा गाउँमा नेता गए चोर आए भन्ने भाव जनताबाट नहट्नेमा सकेत गर्दै १४ औँ महाधिवेशनमा आफूले बोलेको शब्दमा अझै अडिग रहेको बताए । तर उनले सोही शब्द भने दोहोर्याएनन ।