१२ अप्रिल ।
गैरआवासीय नेपाली संघ राष्ट्रिय समन्वय परिषद जापानले देशव्यापी एक दिने रक्तादान कार्यक्रम गर्ने भएको छ ।

जारी सूचना अनुसार यो पाचौँ जापानव्यापी सामाजिक कार्यक्रम हो । जीवन दानको महत्वपूर्ण स्रोत रक्तदान कार्यक्रमको समय तालिका सार्वजनिक गर्दै एनआरएनए जापानले सहभागी हुन आह्वान गरेको छ ।

कार्यतालिका अनुसार ओसाकामा अप्रिल १९ आइतबार विहान साँढे ९ देखि दिउसो ४ बजेसम्म क्यौउवासी स्टेशनको अगाडिको प्लाजामा कार्यक्रम हुने भएको हो ।
रगतदान मानवताको सम्मान नाराका साथ कार्यक्रम आयोजना गरिने छ ।

त्यस्तै कान्तोमा पनि सोही दिन विहान साँढे ११ देखि दिउसो साँढे ४ बजेसम्म इकेबुकुरो स्टेशनको पूर्व एक्जिटमा कार्यक्रम हुनेछ ।

चिबामा अप्रिल १८ मा दिउसो १ देखि ३ बजेसम्म र गुन्मा, नागोया,तोचिकी र ओकिनावामा पनि कार्यक्रम हुने भएको हो ।