चितवन, असोज ८ । जिल्ला प्रहरी कार्यालय चितवनले भाद्र महिनाको उत्कृष्ट प्रहरीको उपाधि प्रहरी निरीक्षक धर्मराज खत्रीलाई प्रदान गरेको छ ।

पछिल्लो समय जिल्ला प्रहरी कार्यालयले सुरु गरेको चोरीका मोटरसाइकल बरामद र पक्राउ गर्ने अभियानमा सक्रिय खत्री विभिन्न मुद्दामा फरार व्यक्तिलाई समेत पक्राउ गर्न सफल भएका थिए ।

जुवा खेल्ने र खेलाउने,नदीजन्य पदार्थको अवैध चोरी कार्यमा संलग्न सवारी साधनहरु नियन्त्रणमा लिने लगायतका कार्यमा उत्कृष्ट कार्यकुशलता प्रदर्शन गरेको भन्दै सम्मान गरिएको चितवनका प्रहरी प्रमुख प्रहरी उपरीक्षक ओम प्रसाद अधिकारीले जानकारी दिनुभयो ।

अधिकारीका अनुसार पुरस्कृतबाट कार्यक्षत्रमा थप निरन्तरता र अन्य प्रहरीलाई समेत हौसला र प्रोत्साहित गराउन सहयोग पुग्ने भन्दै पुरस्कृत गरिएको बताउनुभयो ।