भदौ १० । जिल्ला प्रहरी कार्यालय नवलपरासी पश्चिमले लागु औषध सहित तीन जनालाई पक्राउ गरेको छ । भदौ ८ गते सुनवल नगरपालिका ४ तुरिया स्थित पुर्व पश्चिम राजमार्ग सडक खण्डमा जाँच गर्दा ती व्यक्तिहरु पक्राउ परेका हुन् ।

शंकस्पद अवस्थामा हिडिरहेका जिल्ला रुपन्देही बुटवल उपमाहानगर पालिका वडा नं. ०२ बस्ने वर्ष २२ को राजेन्द्र नेपाली र वर्ष ३७ को किसन नेपालीको शरिर खानतलासी गर्दा राजेन्द्र नेपालीले लगाएको कालो ट्याक (पाईन्ट) को ईलाष्टिक भित्र अगाडीको भागमा २ एमएलको डाईजेपाम २३ एम्पुल, बुप्रिनुफिन २५ एम्पुल र फेनारगन २५ एम्पुल गरी जम्मा ७३ एम्पुल लागु औषध फेला परेको सूचना अधिकारी प्रहरी नायव उपरीक्षक वीर दत्त पन्तले जानकारी दिनुभयो ।

नवलपरासी जिल्ला अदालतबाट म्याद थप गरी अनुसन्धान भैरहेको उहाँको भनाई छ ।

साथै भदौ ९ गते बिहान ०७ः०० बजेको समयमा रामग्राम नगरपालिका वडा नं. ०१ सहुवाटिकर स्थित सडक खण्डमा जिल्ला रुपन्देही, बुटवल उपमहानगरपालिका वडा नं. ११ बुद्धनगर बस्ने वर्ष ३३ को सुनिल परियारलाई शंकास्पद अवस्थामा फेला पारी शरिर खानतलासी गर्दा चामलको बोरा भित्र कालो रंगको पलाष्टिकमा पोको पारी लुकाई छिपाई राखेको अवस्थामा २ एमएलको डाईजेपाम बुप्रिनुफिन र फेनारगन १३÷१३ एम्पुल गरी जम्मा ३९ एम्पुल लागु औषध फेला परी अदालतबाट म्याद थप गरी थप अनुसन्धान भईरहेको उहाँको भनाई छ ।