मंसिर ८ ।
नेपाल पत्रकार महासंघ जापानको अध्यक्षमा रबिन्द्र श्रेष्ठ निर्वाचित भएका छन् ।
टोकियोमा आइतबार नोभेम्वर २३, २०२५मा सम्पन्न छैटौं अधिवेशनमा कुल ४४ मत ल्याएर अध्यक्षमा निर्वाचित भएका हुन् । कुल ८६ सदस्य रहेको महासंंघ जापानको चुनावमा ७७ मत खसेको निर्वाचन संयोजक खगराज गौतमले जानकारी दिए ।
अध्यक्षका प्रतिस्पर्धी राजन गौतमले ३२ मत ल्याएका थिए । श्रेष्ठ यस अघिको कार्यसमितिमा उपाध्यक्ष र गौतम सचिवको भूमिकामा थिए ।
अध्यक्ष, उपाध्यक्ष खुला, उपाध्यक्ष महिला र सचिव पदमा मात्र सहमति जुट्न नसकेपछि निर्वाचन भएको थियो ।
निर्वाचनमा ३० मत ल्याएर मनिषा चम्लागाइ उपाध्यक्ष भएकी छन् । उनका प्रतिद्वन्दी गोकर्ण अधिकारीले २८ र विनोद कुमार सापकोटाले १९ मत ल्याए ।
त्यस्तै महिला उपाध्यक्षमा ४५ मत सहित लक्ष्मी पौडेल निर्वाचित भएकी छन् । उनका प्रतिद्वन्दी सजिना मोक्तानले ३२ मत प्राप्त गरिन् ।
त्यस्तै सचिवमा ४५ मत ल्याएर अर्जुन लामिछाने निर्वाचित भएका छन् । उनका प्रतिस्पर्धी विश्वास आचार्यले ३२ मत ल्याए ।
महासंघ जापानको सहसचिवमा विष्णुप्रसाद सापकोटा , सहसचिव जनजातिमा फुर्वा शेर्पा, कोषाध्यक्षमा भुलबहादुर राना निशान यस अघिनै सर्वसम्मत चयन भईसकेका छन् ।
त्यस्तै सदस्यहरुमा दिनेश थापा, दुर्गा प्रसाद आचार्य , भवानी भट्ट , भुवन भण्डारी, रामचन्द्र गिरि र विनोद ढकाल चयन भइसकेका छन् ।
अध्यक्ष शान्तकुमार पहारीको अध्यक्षमा अधिवेशन भएको हो ।
पत्रकार महासघ केन्द्रीय अध्यक्ष निर्मला शर्माले अनलाइन बाट उद्घाटन गरेको अधिवेशनमा सचिव राजन गौतमले सांगठनिक प्रतिवेदन र कोषाध्यक्ष अर्जुन लामिछानेले आर्थिक प्रतिवेदन प्रस्तुत गर्दै हलले तालि बजाएर पास गरेको थियो ।
४० हजार ६ सय १० ऐन हस्तान्तरण गरि पाएको समितिले १५ लाख ३६ हजार २४५ बचत गर्न सफल भएको छ ।
