चितवन, भदौ २४ । जेनजीले चितवनमा गरेको आन्दोलनमा प्रहरीले चितवन आजकर्मी पत्रकार हिरालाल आचार्य ‘डायमण्ड’ माथि धरपकड गरेको छ ।

प्रदर्शनकारीहरुलाई नियन्त्रणमा लिएर प्रहरीको गाडीमा हालेको र गाडीमा हालिसकेपछि पनि गाडीभित्रै जथाभावी लाठी प्रहार गरेको भिडियो कैद गरिरहेको आचार्यमाथि प्रहरीले धरपकड गरेको हो ।

आचार्यलाई प्रहरीले २० मिनेट जति नियन्त्रणमा लिएर, क्यामेरा खोसी क्यामरामा कैद गरिएका सबै भिडियो डिलिट गरिदिएको छ ।

साथै रिर्पोटिङ्का क्रममा रहेको कालिका एफएमका निर्देश दिपक पौडेलको हातमा ढुंगाले लागेको छ ।
पत्रकार आचार्य माथि भएको धरपकडको विरोधमा नेपाल पत्रकार महासंघ चितवन शाखाले विरोध जनाएको छ ।