नवलपुर, कार्तिक २६ । नवलपुरको देवचुली ९ मा भएको जिप दुर्घटनामा सात जनाको मृत्यु भएको छ । ६ जनाको घटनास्थलमै र एक जनाको चितवन स्थित पुरानो मेडिकल कलेजमा उपचारका क्रममा मृत्यु भएको नवलपुर प्रहरीले जानकार दिएको छ ।
जिल्ला प्रहरी कार्यालय नवलपुरका अनुसार बिहान साँढे ११ बजेको समयमा बौदिकाली गाउँपालिका ६ माझडाँडाबाट दलदलेतर्फ आउँदै गरेको लु १ ज ३२७० नम्बरको जिप गोरेघुम्तीमा दुर्घटना भएको हो ।
मृत्यु हुनेमा जिप चालक सहित ३ महिला रहेका छन् । जिपमा ७ जना सवार रहेका थिए ।
प्रहरीका अनुसार चालक बौदीकाली ६ माझडाँडा बस्ने बर्ष २८÷२९ का छन बहादुर आले , सोही ठाउँकी ५२ बर्षकी कुमारी राना,बर्ष ५५ का टेकमान वानटक्की,बुलिङटार ४ चुलिवोझ बस्ने बर्ष १२ की करिश्मा ठाडा र कमला मगर, उपचारको क्रममा मध्यबिन्दु नगरपालिका २ मदनपुर बस्ने बर्ष १८का चिरन अर्यालको मृत्यु भएको हो ।
अनियन्त्रित भएको जिप घरको भित्तामा आएर ठोकिएको थियो ।
दुर्घटनाको बास्तविक कारण र अन्य कुराको अनुसन्धान भइरहेको नवलपुर प्रहरीले जानकारी दिएको छ ।
