चितवन । चितवनमा ५३ केजी गांँजासहित दुईजनाई प्रहरीले नियन्त्रणमा लिएको छ । भरतपुर नगरपालिका वडा नम्बर १६ का बर्ष ३० का अर्जुन दर्जी र अर्का नाबालकलाई नियन्त्रणमा लिएको हो । जिल्ला प्रहरी कार्यालय चितवनका अनुसार आज राती १ बजे राप्ती नगरपालिका वडा नम्बर १ स्थित सडकखण्ड अन्तर्गत पिप्लेबाट लोथरतर्फ जांंँदै गरेको बा ३ च २५०४ नम्बरको टाटा पिकअप गाडीमा लुकाईछिपाई ल्याएको अवस्थामा उक्त परिमाणमा गांँजा बरामद गरिएको हो । नियन्त्रणमा लिईएका उनीहरुमाथी थप अनुसन्धान भईरहेको प्रहरीले जनाएको छ ।