गैँडाकोट, नवलपुर । नवलपुरको गैँडाकोट नगरपालिका वडानम्वर ४ मा रहेको स्मल हार्ट एकेडेमीले आफ्नो वार्षिकत्सव तथा अभिभावक दिवस २०७९ कार्यक्रम भव्यतापूर्वक सम्पन्न गरेको छ।
विद्यालय प्राङ्गणमा मंगलबार सम्पन्न कार्यक्रममा विभिन्न शैक्षिक, सांस्कृतिक कार्यक्रम, फुड फेस्टिबल तथा सम्मान रहेको थियो ।
गैँडाकोट नगरपालिकाका उप–प्रमुख शान्ति कोइरालाको प्रमुख आतिथ्यतामा कार्यक्रम सम्पन्न भएको हो । कार्यक्रममा ७० वर्ष पूरा हुनुभएका हजुरवुवा हजुरआमालाई सम्मान समेत गरिएको थियो ।
कार्यक्रममा बोल्दै प्रमुख अथिति नगर उप–उपप्रमुख शान्ति कोइरालाले देशको शैक्षिक गुणस्तर उकास्न निजी क्षेत्रको भूमिका महत्वपूर्ण रहदै आएको र गुणस्तर शिक्षा दिन थप सक्रिय भइ लाग्न विद्यालयलाई शुभकामना दिनुभएको थियो ।
ग्लोबल स्कुल प्रोगामसँग समेत जोडिएको विद्यालयको सो कार्यक्रममा विद्यार्थीहरुले सम–सामयिक विषयमा मर्मस्पर्शी अभिनय समेत गरेका थिए । पछिल्लो समय स-साना वालवालिकालाई छोडेर परिवार परदेश जानेहरुको यथार्थलाई विद्यार्थीहरुले अभिनयमा उतार्दा धेरैलाई भावूक वनाएको थियो ।
इन्टरनेशनल स्कुल अवार्ड २०२०–२३ बाट सम्मानत समेत भएको विद्यालयले छोटो समयमै अभिभावकहरुको मन जित्न सफल भएको छ । कार्यक्रममा बोल्ने अभिभावकहरुले भएको गुणस्तर कायम गर्दै अझ सुधारदै अघि वढ्न सुझाव दिनुभएको विद्यालयका प्राचार्य निर्मल पाण्डेले जानकारी दिनुभयो ।
विद्यालय संचालक समितिका अध्यक्ष कैलाश कोइरालाको अध्यक्षतमा सम्पन्न कार्यक्रममा गैँडाकोट ४ का वडाअध्यक्ष तेजप्रसाद मिघिरे,प्याब्सन केन्द्रीय उपाध्यक्ष गोपेन्द्रकेशरी न्यौपाने, नगर शिक्षा समितिका सदस्य डोलराज पाण्डे, अभिभावकबाट नारायण पण्डीतले आफ्नो भनाइ राख्दै शुभकामना दिनुभएको थियो ।
कार्यक्रममा बोल्दै वडाअध्यक्ष तेजप्रसाद घिमिरेले ७० वर्ष माथिका जेष्ठ नागरिक सम्मान गरेर विद्यालयले उदाहरणीय काम गरेको बताउनुभयो ।
२०६४ सालमा स्थापना भएको विद्यालयमा हाल कक्षा ७ सम्म पढाइ हुनेगर्दछ ।
smart
smart
smart
