चितवन । जिल्ला प्रहरी कार्यालय चितवनले खैराे हिराेइनकाे काराेवारकाे आशंकामा ६ जनालाई पक्राउ गरेकाे छ।
१० ग्राम ५०० मिलिग्राम लागुऔषध खैरो हेरोईन जस्तो देखिने पदार्थ सहित ६ जना मानिस पक्राउ परेका हुन् ।
प्रहरीका अनुसार चितवन भरतपुर १५ बस्ने बर्ष २२ को सन्तोष परियार,१९ बस्ने बर्ष २२ को यम बहादुर आले मगर,लम्जुङ घर भई हाल चितवन भरतपुर २० बस्ने बर्ष ३० को तुल बहादुर गुरुङ, भरतपुर १५ बस्ने बर्ष २३ को प्रशन्न गुरुङ, नवलपरासी (ब.सु.पु.) देवचुली न.पा. वडा नं. १५ घर भई हाल भरतपुर १५ बस्ने बर्ष २३ का चेत बहादुर क्षेत्री र भरतपुर २७ मेघौली बस्ने बर्ष ३६ को सुरेस महतो रहेका छन् ।
असाेज ३ गते रातको २०:१५ बजेको समयमा भरतपुर महानगरपालिका १५ सुर्यनगर च्यानडाँडाबाट स्टिलको थाल थान-२, अर्ध जलेको अवस्थामा ९ थान (रु ५ को रु १० को गरी ) जम्मा रु ६०।-, लाईटर थान-४, चुरोट-१२ खिली साथै, टुक्रा पारेको अवस्थाको व्लेड थान ८ टुक्रा, सिक्का ३ वटा, प्लाष्टिकको स-साना टुक्रा काटि पुरिया बनाई प्याकिङ गरी राखेको अवस्थामा १५५ वटा पुरियामा लागुऔषध खैरो हिरोईन जस्तो देखिने पदार्थ १० ग्राम ५०० मिलिग्राम (दश ग्राम पाँच सय मिलिग्राम) बरामद गरिएको प्रहरीले जनाएको छ ।
उनीहरुबिरुद्द लागु औषध नियन्त्रण ऐन, २०३३ बमोजिम चितवन जिल्ला अदालतबाट म्याद अनुमती लिई थप अनुसन्धान भईरहेको चितवन प्रहरीले जानकारी दिएको छ ।
