चितवन । नेपाली काङ्ग्रेसका प्रबक्ता डा. प्रकाशशरण महतले आगामी निर्वाचन सम्म तालमेल गरेर जाने निर्णय भएको बताउनुभएको छ । नेपाल प्रेस युनियन चितवनले आज आयोजना गरेको पत्रकार सम्मेलनमा बोल्दै उहाँले आगामी निर्बाचन सम्म अहिलेकै गठवन्धनले निरन्तरता पाउने बताउनुभयो ।
स्थानीय तहको निर्वाचन अनुभवले पनि गठबन्धन हुनपर्ने विश्वास बढाएको र  निर्वाचनको नतिजालाई सबै दलले सन्तोषजनक रुपमा लिएको भन्दै साेही आधारमा अबकाे निर्वाचनमा जाने बताउनुभयो ।
तालमेल गर्दा पार्टीको नेतृत्वदायी भूमिका र समग्रमा पार्टी पङ्तिको भावना अनुसार हुने उहाँले बताउनुभयो । फरक प्रसंगमा बोल्दै उहाँले सरकारले अहिले देश बिकास, स्थायीत्व र जनआकांक्षा अनुसार काम गरेको बताउनुभयो । साथै भातृसंगठनहरुले यही साउन महिनाभित्र पूर्णता पाउने बताउनुभयो ।