चितवन । आजदेखि साउन महिना सुरु भएकाे छ । साउन लागेसंगै प्रशिद्द धार्मिक तीर्थस्थल देवघाटधामलाइ व्यवस्थित पारिदै छ । भाेलि साेमबार समेत भएकाले तयारी थालिएको देवघाट क्षेत्र विकास समितिका कार्यकारी निर्देशक धीरणबाबु घिमिरेले जानकारी दिनुभयाे ।
अहिले देवघाट प्रवेश गर्ने सडककाे पुल बिग्रेको र बैकल्पिक बाटाेका लागि डाइभर्सन निर्माण गरेकाे उहाँले बताउनुभयाे । डाइभर्सन भरपर्दो गराउन पर्याप्त ग्राभेल हालिएको घिमिरेकाे भनाइ छ । चितवन र तनहुँका प्रमुख जिल्ला अधिकारीलाइ पत्राचार गरेर सुरक्षा व्यवस्था मिलाउन भनिएकाे छ भने साथै इलाका प्रहरी कार्यालय तथा ट्राफिक प्रहरीलाइ समेत चिठी पठाएर सुरक्षा व्यवस्था मिलाउन लागिएको बताउनुभयाे । सुरक्षा र बाटाेकाे आगमनलाइ प्रमुख प्राथमिकता दिएकाे उहाँको भनाइ छ ।
चितवन र तनहुँ तर्फ झलमल्ल गराउन बत्ती जडान गरिएको र चितवनतर्फ वडाले समेत साे कार्यकालागि सहयाेग गरेकाे घिमिरेकाे भनाइ छ। समितिले समेत बत्ती जडान गरेकाे र अध्याराे महसुस हुन नदिने दाबी गर्नुभयाे ।
त्यस्तै मुख्य एवम् महत्त्वपूर्ण मानिएकाे स्नान स्थलमा सुरक्षा दिन शसस्त्र प्रहरीलाई समेत बाेलाईएकाे छ । समितिले खर्च व्यहाेर्ने गरी बाेट समेत राखिने छ । साथै बाेटेहरु आफ्नाे डुंगा सहित सुरक्षा दिने उहाँको भनाइ छ ।
काेभिडका कारण हुन नसकेकाे साउनेसंक्रान्ति मेला तथा भक्तजनकाे कम आगमन भएपनि याे पटक भने कुनै राेकताेक नलगाईएकाे उहाँको भनाइ छ ।
काेभिड न्युन रहेकाले याे वर्ष प्रतयेक साेमबार १५ देखि २० हजार र अन्तिम साेमवार ५० देखि ७५ हजार भक्तजन आउने अपेक्षा समितिले गरेकाे छ ।
पांच वटा साेमबार परेकाले याे पटककाे बाेलबम मेला समेत थप रमाइलो हुने आशा गरिएको छ।
मेला अवधिभर १ लाख ५० हजार भक्तजनहरु आउने अपेक्षा सहित साेही अनुसार तयारीमा जुटेकाे घिमिरेको भनाइ छ । देवघाट जस्ताे पवित्र पावन ठाउँमा स्नान गर्न देश तथा विदेशबाट भक्तजनहरु आउने गर्दछन् । संगमस्थलमै नुहाउने अपेक्षा भक्तजनहरुकाे हुने भएकाले कुनैपनि दुर्घटना हुन नदिने गरी सुरक्षा व्यवस्था मिलाइएकाे उहाँको भनाइ छ । पार्किङका लागि भने ठेक्का दिएकाे र सडकमा भने ट्राफिक प्रहरीले सवारी आवागमनकाे व्यवस्था मिलाउने उहाँको भनाइ छ ।