चितवन । अझैपनि सामाजिक संजाल युटुवमा बैदेशिक रोजगारीका कारण उत्पन्न समस्या, पारिवारीक विचलन,विकृती देखिन्छ । तर चितवनका केही युवाहरुले भने वैदेशीक रोजगारीबाट रकम बचाएर स्वदेशमै लगानी गर्नुभएको छ।
विदेशमा बगाएको पसीनालाई अहिले उहाँहरुले स्वदेशमै लगानी गरी चितवन पोर्क हाउस संचालन ल्याइएको छ ।
फकर्मका प्रोपाइटर गोविन्द श्रेष्ठ करिव १० वर्ष विदेश वस्नुभयो । त्यहाँको मालिकले गरेको लगानी र उसले गरेको लगानीमा श्रेष्ठ सहितका कामदारले पसीना बगाउँदा प्राप्त प्रतिफल उहाँले नजिकबाट नियालिरहनुभएको थियो । त्यसैले त्यतिवेला देखि स्वदेशमै लगानी गर्ने सोँच बनाउनुभएको उहाँले आफूजस्तै विदेशमा बसेर स्वदेशमै केही व्यवसाय गर्नुपर्छ भन्ने सोचका साथीसँग मिलेर उक्त फर्म संचालनमा ल्याउनुभएको श्रेष्ठ बताउनुहुन्छ ।
रत्ननगर नगरपालिका १६ पिठुवामा बंगुर फार्म रहेको श्रेष्ठले जानकारी दिनुभयो । सोही फर्ममा उत्पादित बंगुरलाई विचौलिया विना सिधै ग्राहकसमक्ष पुर्याउन अहिले भरतपुर २ क्षेत्रपुर नयाँ सब्जीमण्डी अगाडि चितवन पोर्क हाउस प्रा.लि.संचालनमा ल्याउनुभएको हो ।
श्रेष्ठले थप्नुभयो, “आफ्नै फर्मममा उत्पादन भएको मासुलाइ विचौलियाको हातमा पुग्न नदिन र स्वच्छ,अर्गानिक मासु सुपथ र सुव्यवस्थित रुपमा उपलब्ध गराउन हामीले यहँ संचालन गरेका हौँ । ”
“विदेशको कमाई भलपानी जस्तो हो । कमाएर हातमा आउँदासम्म रमाइलो अनि रित्तो त्यसैले विदेशमा भएको कमाई बचतमा र बचत पछि लगानीमा जोड्नुपर्छ । आफ्नो सिकाइवारे बताउँदै श्रेष्ठले भन्नुभयो,“ पहिला काठमाण्डौमा वाख्रा फर्म खोलेपनि राम्रोसँग चलेन तर हामी हरेस खाएनौँ र अहिले बंगुर फार्म संचालन गरीरहेका छौँ । ”
बुंगुरको मासु,जिउँदो बंगुर तथा यसको मासु होलसेल तथा खुद्रा मूल्यमा विक्रि गर्ने उहाँको भनाई छ । विदेशको कमाइ बचत गर्न नसके जीवन धान्नै कठिन रहेको बुझ्नुभएका श्रेष्ठले रकम बचतपछि लगानी गर्न सुझाव दिनुहुन्छ । त्यस्तै पुस्तान्तरणमा पनि उहाँको जोड छ । एकै पटक नाफा खोज्ने गर्दा समस्या हुने भन्दै लगानी पछि धैर्यता सँगै पुस्तान्तरण समेत आवश्यक हुने उहाँको भनाई छ।
यही बंगुर फार्मबाट चितवन जिल्लाभरका व्यक्तिहरुलाइ समेट्न अहिले आशा कृषक समूह गठन गरी दाना पसल समेत संचालन गरिएको छ । दानाको पसल रत्ननगर २ मा छ । आफूहरुले शुद्द, अर्गानिक तथा सस्तो मूल्यमा सेवा उपलब्ध गराउने बताउँदै श्रेष्ठले आफ्नो दाना पसलबाट खरिदविक्रि गर्ने अन्य बंगुरपालक कृषकलाई बजारीकरणमा सहयोग गर्ने उहाँको भनाई छ । सम्भव भएसम्म धेरै भन्दा धेरै किसानलाई यसतर्फ आकर्षित गराउने लक्ष्य रहेको बताउँदै समूहमा जोडिन श्रेष्ठको आह्वान छ ।
पछिल्लो व्यवसायका लागि डेकोरेशनमा मात्रै ८ लाख हाराहारी खर्च भएको र यो अझै बढ्न सक्ने उहाँको भनाई छ । माखा भन्काएर विचौलियाको विगविगी सहित मासु विक्रि वितरण भइरहेको देखेपछि आफ्नो उत्पादन सिधै ग्राहकसम्म पुर्याउने लक्ष्यले सफलता पाउनेमा उहाँ आशावादी हुनुहुन्छ ।