चितवन । चितवनमा बाघले मान्छेलाई  खाएकाे छ।  जिल्ला प्रहरी कार्यालय चितवनका अनुसार आज विहान ८ बजेतिर खैरहनी१३ बैरिया बस्ने बर्ष अन्दाजी ६५ को नारायण दाहाललाई बाघले आक्रमण गरेकाे हाे ।
साे स्थानमा रहेको कुमरोज मध्यवर्ती सामुदायिक वनको राप्ती घाँसे मैदानमा घाँस काट्न जाने क्रममा बाघले आक्रमण गरेको प्रहरीले जनाएको छ ।
सूचना पाएपछि  प्रहरी चौकी कुमरोज र ईप्रका खैरहनीबाट  प्रहरी टोली खटिई राष्ट्रिय निकुञ्ज र नेपाली सेना समेत संग समन्वय गरेर हात्ती सहितको टोलीले खाेज्दा बाघले आक्रमण गरेको स्थान भन्दा अन्दाजी १ किलोमिटर भित्र विहान  १०:०० बजेको समयमा घाँटीमा चोट सहित दाहिने खुट्टाको तिघ्रा भाग खाएको अवस्थामा उनकाे   शव फेला परेकाे थियाे ।