चितवन । स्थानीय निर्वाचन आएसँगै चर्चामा रहेको चितवनको भरतपुर महानगरपालिकामा पनि गठवन्धन एक भएर चुनावमा जाने भएका छन् ।

२०७९ बैशाख ३० गते हुने स्थानिय तहको निर्वाचन सम्बन्धमा, भरतपुर महानगर स्थित गठबन्धनमा रहेका दलहरुको पालिका स्तरीय संयन्त्रको बैठक बसेर सो निर्णय गरिएको हो ।

नेपाली कांग्रेस महानगर कार्यसमिति सभापति चित्रसेन अधिकारीको अध्यक्षतामा बैठक बसेर चुनावी तालमेल गरी जाने, गठबन्धन सहभागी दलहरुका वीच गठबन्धनको मर्म र भावना अनुरुप एक आपसमा सम्मान र हार्दिकताको बिकास गर्दै गठबन्धनलाई निरन्तरता दिदै स्थानिय तहको निर्वाचनमा सहभागी हुने निर्णय भएको हो ।

बैठकमा नेपाली कांग्रेस भरतपुर महानगरपालिका सभापति चित्रसेन अधिकारी, ने. क.पा. (माओवादी केन्द्र) भरतपुर महानगरपालिका अध्यक्ष इश्वर सापकोटा (सुमन), ने.क.पा. (एकिकृत समाजवादी) भरतपुर महानगरपालिका इन्चार्ज सूर्य प्रसाद शर्मा ,. रा.ज.मो. भरतपुर महानगरपालिका अध्यक्ष भक्तिराम गौतम र ज.स.पा. भरतपुर महानगरपालिका अध्यक्ष अनुज जोशीको उपस्थिती थियो ।