चितवन । हात्ती विक्रि गर्न भारत हिँडेको आरोपमा चितवनका २ सहित ३ जना पक्राउ
चितवन । हात्ती विक्रि गर्न भारतर्फ हिँडेको आरोपमा माउते सहित तीन जना पक्राउ परेका छन् । जिल्ला प्रहरी कार्यालय पर्साका अनुसार दुई जना माउते र एक जना हात्ती विक्रि गर्ने व्यक्ति रहेका छन् ।
पक्राउ पर्नेमा चितवन जिल्ला भरतपुर महानगरपालिका १८ जितपुर बस्ने माउते ६० वर्षीय बुदिराम महतो, अर्का माउते सोही ठाउँका ४० वर्षीय राजु कुमाल र विक्रि वितरण गर्ने पर्सा पकहामैनपुर ५ सबैठवा बस्ने ३५ वर्षीय सफरोज आलम रहेका छन् ।
बिक्रीको लागि नेपालबाट भारत तर्फ हात्ती लैजाँदै गरेको सूचना प्राप्त भएपछि जिल्ला प्रहरी कार्यालय पर्सा मातहतको ईलाका प्रहरी कार्यालय पोखरिया, पर्साबाट दिउसो १२ बजेतिर पकहामैनपुर गाउँपालिका ५ पोखरिया टोलमा उनीहरु हात्ती सहित पक्राउ परेका हुन् ।
हात्ती सहित उनीहरुलाइ आवश्यक कारवाहीको लागि पर्सा राष्ट्रिय निकुञ्जमा बुझाइएको प्रहरीले जनाएको छ ।
