चितवन । जिल्ला प्रहरी कार्यालय चितवनले परिसरमा हाेली पर्व मनाएकाे छ । पर्वकाे संरक्षण संगै घरविदामा जान नपाई सुरक्षार्थ खटिएका कार्यालय सहायकदेखि कार्यालय प्रमुख प्रहरी उपरीक्षकसम्मले विहान सामुहिक पर्व मनाएका हुन् ।
एकले अर्कालाई हार्दिकताका साथ रङ लगाएर शुभकामना आदनप्रदान गरेर पर्व मनाईएकाे हाे । पर्वमा जनताकाे सुरक्षाका लागि अन्य समयभन्दा बढी खटिनुपर्ने भएकाले विदा कम पाउने र पर्वमा घरकाे याद आउने हुंदा यसरी मनाउने सामुहिक पर्वले आत्मियता बढाउने प्रहरी नायव उपरीक्षक नरहरि अधिकारीले बताए । साथै परिवारसँग बसेर पर्व मनाउन नपाएको न्यास्राे समेत मेटिने अधिकारले बताए ।
विहान पर्व मनाएर पुन: नियमित कार्यमा खटिएका छन् । अन्य दिनमा भन्दा आज बढी सुरक्षाकर्मी खटिएकाे चितवन प्रहरीले जनाएको छ। हाेली पर्वकाे अवसरमा हुनसक्ने सम्भावित घटनालाई मध्यनजर गरेर नियमित भन्दा बढी पेट्राेलिङ बढाईएकाे डिएसपी अधिकारीले बताए । पर्वमा उच्छृङ्खल गतिविधि नगर्न, माेटरसाईकलमा क्षमताबढी व्यक्ति नबस्न प्रहरीले आग्रह गरेकाे छ । सांझपख नारायणी नदी किनारमा सुरक्षा बढाईएकाे उनले बताए ।
