चितवन । नेपालका लागि महिन्द्राको आधिकारिक वितरक अग्नि ग्रुपले चितवनमा पनि नयांँ शाखा विस्तार गरेको छ । भरतपुर महानगरपालिका वडा नम्बर ९ स्थित हाकिमचोकमा नयांँ पूर्वाधार र सर्भिस सेन्टरसहितको सेवा शुभारम्भ गरिएको हो ।
अग्नि ग्रुपको आधिकारिक विक्रेता सेन्ट्रल अटो जोनले सुरु गरेको शोरुमको अग्नि ग्रुपका निर्देशक क्याबिनेट श्रेष्ठ, सेन्ट्रल अटोजोनका प्रबन्ध निर्देशक राजेन्द्र बटाजु र ग्रुपका अन्य प्रतिनिधि सहित संयुक्त रुपमा शोरुम र सर्भिस सेन्टरको उद्धघाटन गरिएको थियो ।
जोनका प्रबन्धक राजकुमार बरालले चितवन नवलपरासी, मकवानपुरका ग्राहकलाई लक्षित गर्दै शोरुम सञ्चालनमा ल्याईएको बताए ।
‘ग्राहकहरुले यस कम्पनीको उत्पादन र सेवापनि मन पराउनुभयो, सबै उत्पादनको माग र ग्राहकको पनि बढ्यो उनले भने, जसका कारण भरतपुरको केन्द्र हाकिमचोकबाट सेवा दिन थालेका हौं ।’ यस अघि नारायणगढको न्यूरोडबाट बिक्री वितरण र सेवा दिदै आएको र अहिले नयाँ शाखा विस्तार गरेको बताए ।
शोरुमले महिन्द्रका उत्कृष्ट उत्पादन बोलेरो, स्कारपियो पिकअप भ्यान , एक्स सिरिज लगायतका इलेक्ट्रिक अटोरिक्सा हरु बिक्री गर्दै आएको छ ।
