चितवन । चितवनको माडी नगरपालिकामा नगरस्तरीय होमस्टे महासंघको कार्यसमिति गठन गरिएको छ । तुलवहादुर पुन मगरको अध्यक्षतामा सात सदस्यीय नयाँ समिति गठन गरिएको हो ।

अयोध्यापुरी मध्यवर्ती सामुदायिक होमस्टे माडी नगरपालिका ८ शिवद्वारमा सम्पन्न प्रथम अधिवेशनले अध्यक्षमा मगरलाई चयन गरेको हो ।
होमस्टे एशोसियसन नेपाल बागमती प्रदेश सदस्य एवम् अयोध्यापुरी मध्यवर्ती सामुदायिक होमस्टेका अध्यक्ष मोहन वहादुर पुन मगरको अध्यक्षतामा बसेको प्रथम अधिवेशनले सर्वसम्मत नयाँ कार्यसमिति चयन गरेको हो ।

समितिको उपाध्यक्षमा रसपतिया कुमारी चौधरी, सचिवमा खडानन्द अधिकारी, कोषाध्यक्षमा सन्तोष प्रसाद बोट रहेका छन् । त्यस्तै सदस्यहरुमा भुवानी दराई, हर्क बहादुर पुन, र सरिता बोट छन् । माडीमा हाल निजी तथा सामुदायिक गरी ६ वटा होमस्टे दर्ता छन् ।