भिरकोट । नेपाली काँग्रेस तनहुँको जिल्ला सदस्यमा साविक भिर्कोट गाविस (हाल ऋषिङ्ग गाउँपालिका ४) बाट जिल्ला सदस्यमा थप्रेकका भोजराज रानाभाट चयन भएका छन् । उनी यस भेगबाट जिल्ला सदस्यमा अवसर पाउनेमा दोस्रो हुन् । यस अघि जित वहादुर श्रेष्ठ जिल्ल्ला सदस्यमा थिए ।
जिल्लाको दक्षिण भेगमा काँग्रेसलाई मलजल, सिँचाई सहित हराभरा गराउन महत्वपूर्ण भूमिका रहेपनि जिल्ला नेतृत्वमा पुग्ने अवसर कमै मात्र मिलिरहेको समयमा यस पटक भने ऋषिङ्ग गाउँपालिका वडानम्वर ४ का वडाअध्यक्ष समेत रहेका रानाभाट जिल्ला सदस्यमा मनोनित भएका हुन् । नेपाली काँग्रेस तनहुँको फागुन १ गते बसेको दोस्रो पदाधिकारी बैठकले रानाभाटलाई आमन्त्रित जिल्ला सदस्यमा मनोनित गरेको छ ।
२०३८ सालमा नेपाल विद्यार्थी संघको साधारण सदस्य लिएर रुख र चार तारे झण्डाको अभियानमा पुगेका रानाभाट २०४६ सालमा नेपाली काँग्रेस को साधारण सदस्य प्राप्त गरेका थिए ।
नेपाली काँग्रेसको १२ औँ अधिवेशनबाट भिरकोट गाउँ कार्य समितिको सचिव, नेपाली काँग्रेसको १३ औँ अधिवेशनबाट भिरकोट गाउँ कार्यसमितिको क्षेत्रीय प्रतिनिधि रहेर आफ्नो योगदान दिइसकेका छन् ।
माओवादीले संचालन गरेको १० वर्षेजनयुद्धका समयमा निकै जोखिम र चर्चित दक्षिणी भेगमा रहेका रानाभाट कुनैपनि डर धम्की त्रासले काँग्रेसबाट विचलित भएनन् ।
२८ वर्षको शिक्षण पेशाबाट सेवा निवृत्तपश्चात काँग्रेसमा अझ बढी सक्रिय रानाभाट सामाजिक क्षेत्रमा सक्रिय व्यक्ति हुन् । नेपाली काँग्रेसबाट उम्मेदवार रहेर २०७४ साल वैशाख ३१ गते सम्पन्न स्थानीय निर्वाचनबाट ऋषिङ्ग गाउँपालिका वडानम्वर ४ को वडाअध्यक्ष पदमा अत्याधिक मतान्तरले विजयी हुन सफल भएका थिए ।
साविककका वडाहरुमध्ये ६ नम्वर वडामात्र झिनो मतान्तरले नेपाली काँग्रेसले विजय प्राप्त गर्ने इतिहास थियो अन्य वडाहरु २,३,४,५ मा कम्युनिष्टहरुको वाहुल्यता थियो ।
तर भारी मतान्तरले विजयी हुन सफल रानाभाटले सवैलाई गर्ने समान व्यवहार र परेको समस्यामा समाधान गरिदिने व्यक्तिको रुपमा परिचित छन् । उक्त निर्वाचनबाट त्यहाँको जनमतको कदर गर्दे ऋषिङ्ग गाउँपालिका वडनम्वर ४ मा सामाजिक एकता, समान न्याय, फरक मत भएका व्यक्ति र पार्टीका व्यक्तिहरुसँग पनि सहकार्य गर्दै उनले काम गरीरहेका छन् ।
आफ्ना सहकर्मी, वडासदस्य कर्मचारी र ऋषिङ्ग गाउँपालिकाकाका अध्यक्ष, उपाध्यक्ष र कर्मचारी वीचको सहकार्यमा वडानम्वर ४ मा ५ वर्षको अवधिमा उनले थुप्रै विकास निर्माणका कार्यहरु सम्पन्न गरेका छन् ।
२८ वर्षको शिक्षण पेशाबाट सेवा निवृत्त पश्चात २०६७ मा औँसरा जुडी सामुदायिक वन समितिको अध्यक्षमा सर्वसम्मत चयन भए रानाभाट । सामुदायिक वन संरक्षणसँगै आम्दानी समेत बढाउन जिल्ला वन सम्म समन्वय गरे । उनी अध्यक्षमा आउनासाथ पहिलो पटक समूहलाई आयमुखी बनाई समूह भित्रका सवै भन्दा कमजोर व्यक्ती छनौट गरी विना व्याज २ बर्षका लागि २२ समूह सदस्यलाई २०६८ मा १०÷१० हजार दिएर तरकारी खेती र पशु पालन व्यवासयमा उत्प्रेरित गराउन सफल भएका थिए ।
उक्त कार्यक्रम अहिलेसम्म पनि जारी छ । जसबाट धेरै स्थानीयले लाभ लिएका छन् । अहिले उपलब्ध गराइने रकममा पनि बृद्धि गरी प्रति किसान २५ हजार विना व्याज २ बर्षका लागि उपलब्ध गराई पशुपालन व्यवसायका लागि ३२ किसानलाई हरेक वर्ष रकम दिने गरिएको र यसले गरिवी निवारमा सहयोग पुगेको उनले बताए ।
२०६९ सालमा चालिसे काहुँ झापुटार मोटर मार्गको अध्यक्ष भएर सडकको स्तर उन्नती गर्न सफल भए । नेपाली काँग्रेसका बरिष्ठ नेता रामचन्द्र पौडेलबाट तत्कालिन सांसद क्षेत्र विकास कोषको ५ करोड लगानी बाट उपलब्ध बजेटले काम सुरु गराउन सके । सवारीबाट खैरेनीटार,भिमाद हुँदै पुग्नुपर्ने वाध्यताको अन्त्य गरी झापुटारबाट सिधै छोटो दुरीमा भिर्कोट आउने सुविधा सुरु भएको थियो ।
अहिले वडाअध्यक्ष रहदापनि जनताको आवश्यकता र चाहाना अनुसारनै विकासका कार्यहरु भइरहेको उनले बताए । वडाले शिक्षा,स्वास्थ्य,सडक, खानेपानी, रोजगारी सृजनाका लागि विभिन्न सीपमूलक तालिम, विपद जोखिम न्यूनीकरण लगायतका क्षेत्रमा काम भइरहेको बताए ।
आफूले पुरै जीवननै सामाजिक क्षेत्रमा लगाएको भन्दै काँग्रेस तनहुँले दिएको अवसरले थप हौसला मिलेको बताए । काँग्रेसको जग थप बलियो गराउन आफू लागिपर्ने रानाभाटको भनाई छ ।
