नवलपरासी, माघ १८ । पश्चिम नवलपरासीमा भएको सवारी दुर्घटना परी भारतीय नागरिकको मृत्यु भएको छ ।
जिल्ला प्रहरी कार्यालयका प्रवक्ता डिएसपी प्रेम बहादुर शाहीका अनुसार सुस्ता गाँउपालिका २ हरकपुरा स्थित भित्री सडक खण्डमा पश्चिमबाट पुर्ब तर्फ जांदै गरेको लु १८ प ८६०५ नम्बरको स्कुटर र बिपरित दिशाबाट आउदै गरेको यूपी ५६ एएन ७२३५ नम्बरको मोटरसाईकल एक आपसमा ठक्कर खाएका थिए ।
दुर्घटनामा मोटरसाइकल चालक भारत जिल्ला महाराजगंज आनन्दनगर फरेन्दा बजार बस्ने बर्ष अन्दाजी १९ का अरबिन्द चमारको उपचारको क्रममा मृत्यु भएको हो ।
सोही मोटरसाइकल पछाडी सवार बर्ष अन्दाजी ३५ कि कलवती चमार र बर्ष अन्दाजी १९ को रामकरण चमार घाइते भएको र सामान्य अवस्थामा उपचार भइरहेको छ ।
स्कुटर चालक जिल्ला नवलपरासी बर्दघाट नगरपालिका १५ बस्ने बर्ष अन्दाजी १८ को अमृत सुनार,स्कुटर पछाडी सवार बर्ष अन्दाजी १७ को निर्मल तामाङको गम्भीर अवस्थामा शहिद स्मृति सामुदायिक अस्पताल चौपत्तामा सामान्य उपचार पश्चात थप उपचारको लागि भैरहवा मेडिकल कलेज रुपन्देहीमा पठाइएको प्रहरीले जनाएको छ । मोटरसाइकल प्रहरीको नियन्त्रणमा रहेको छ ।
