चितवन । चितवनमा ट्रक त्रिशुली नदीमा खसेको छ। नारायणगढ–मुग्लिन सडकखण्डको जलबिरेबाट त्रिशुली नदीमा खसेको जिल्ला ट्राफिक प्रहरी कार्यालय चितवनले जानकारी दिएको छ ।
नारायणगढबाट मुग्लिनतर्फ जाँदै गरेको सनफ्लावर तेल बोकेको ट्रक दुर्घटनामा परेको हो । ट्रकको अधिकांस भाग पानीमा डुबेको छ । चालक र सहचालकको अवस्था अज्ञात रहेको प्रहरीले जनाएको छ । पाँच बजे घटनाको बारेमा जानकारी पाएको प्रहरी अहिले घटनास्थलमै रहेको छ । शसस्त्र प्रहरीले ट्रकभित्र र नदी वरपर खोजी कार्य जारी रहेको र घटनाको थप विवरण आउन बाँकी रहेको ट्राफिक चितवनले जनाएको छ ।