नवलपुर(गैँडाकोट) । नवलपुरको गैँडाकोट नगरपालिका २ मा रहेको सुर्यभक्त पतना देवि मेमोरियल कलेजले भोलि आफ्नो १६ औं वार्षिकोत्सव मनाउदै छ । दिवसको पूर्वसन्ध्यामा आज पुरस्कार वितरण सम्पन्न भएको छ ।
आज विहान कलेज परिसरमा पुरस्कार वितरण समारोह सम्पन्न भएको छ । वार्षिकोत्सवको अवसर पारेर आयोजना गरिएको विभिन्न प्रतियोगिताको पुरस्कार वितरण सम्पन्न भएको विद्यार्थी इन्द्रज्योति पोखरेलले जानकारी दिए ।
उनका अनुसार छात्र तथा छात्रा भलिबल,सटपुट,दौड,टेवलटेनिस,डोरि तान्ने, लङ जम्प, प्राध्यापक बिच भएको म्युजिकल चियर प्रतियोगिता सम्पन्न भएको थियो ।
कार्यक्रमका प्रमुख अतिथि नवलपुर फुटबल संघका महासचिव लक्ष्मण कार्कीले शिक्षा बाट नै समाज , राष्ट्र निर्माण गर्न सकिने र त्यसबाट मात्रै बिकास हुने बताए । आफू बाट सक्ने सहयोग कलेज लाई सधैं दिने भन्दै कार्कीले विद्यार्थी लक्ष्मी कंडेल तथा विशाल सुनारलाई ३÷३ महिनाको शुल्कका लागि नगद पनि हस्तान्तरण गरेका छन् ।
भोलि भव्य रुपमा १६ औं वार्षिकोत्सव हुने र तयारी लगभग पूरा भएको शिक्षा संकाय प्रमुख माधव प्रसाद सिग्देलले जानकारी दिए । उनका अनुसार प्रदेश सांसद विष्णु प्रसाद लामिछानेको प्रमुख अतिथ्यतामा कार्यक्रम हुनेछ ।
प्राध्यापक संघका सभापति शिवजी अधिकारीले स्वागत गरेका आजको कार्यक्रम क्यापस प्रमुख दिपेन्द्र पौडेलको अध्यक्षतामा सम्पन्न भएको थियोे । कार्यक्रमको सहजीकरण शिक्षा संकाय प्रमुख माधव प्रसाद सिग्देलले गरेका थिए ।
गैँडाकोट २ मा रहेको कलेजमा प्लस टु मा व्यवस्थापन,मानविकी र शिक्षा शास्त्र, बिएमा अग्रेजी, पत्रकारिता,समाजशास्त्र र ग्रामीण विकासको पढाई हुँदै आएको छ । त्यस्तै बिएडतर्फ अग्रेजी,नेपाली,स्वास्थ्य र शारिरीक शिक्षा, जनसंख्या र बिबिएसतर्फ निर्धारित विषयहरु पढाई भइरहेको क्याम्पस प्रमुख दिपेन्द्र पौडेलले जानकारी दिए ।
