चितवन । चितवनमा भएको सवारी दुर्घटनामा परी ११ जना घाइते भएका छन् । घाइते मध्ये १ जनाको अवस्था गम्भिर रहेको छ । मुग्लिन नारायणगढ सडकखण्डको भरतपुर २९ भतेरीमा दिउसो २ बजेर ४५ मिनेटतिर बिरगन्जबाट काठमाण्डौ तर्फ गई रहेको बा३ख ९६७९ नम्बरको बस र बिपरित दिशाबाट आई रहेको ना ६ ख ५८६६ नम्बरको ट्रक एक आपसमा ठक्कर खाएका हुन् ।
जिल्ला प्रहरी कार्यालय चितवनका सूचना अधिकारी प्रहरी नायव उपरीक्षक (डिएसपी) नरहरी अधिकारीका अनुसार ठक्कर खांदा दुबै सवारी साधनका चालक सहित ११ जना घाईते भएका हुन् । उनीहरुमध्ये बसमा सवार १० जनाको पुरानो मेडिकल कलेजमा र ट्रक चालकको सरकारी अस्पतालमा उपचार भइरहेको छ ।
१ जनाको अवस्था गम्भीर अन्य १० जनाको अवस्था मध्यम रहेको अधिकारीले बताए।
उक्त स्थानमा खटिएको प्रहरी टोलीले क्रेन प्रयोग गरी दुबै सवारी साधनलाई हटाएपछि अवरुद्ध सडक समेत सूचारु भएको थियो ।