चितवन,मंसिर १० । आजबाट सुरु हुने नेकपा एमालेको १०औँ राष्ट्रिय महाधिवेशनका कारण काँग्रेस चितवनको जिल्ला अधिवेशन स्थगित भएको छ ।
जिल्ला सभापति जितनारायण श्रेष्ठका अनुसार महाधिवेशनका कारण सवारी आवतजावतमा समस्या हुनेभएपछि केही दिनलाई पछि सारेको बताए ।
जिल्ला निर्वाचन अधिकृत कमलमोहन पोखरेलका अनुसार विभिन्न ठाउँबाट आउने नेता,कार्यकर्ता तथा प्रतिनिधिहरुलाई यातायातको कठिन र आवासको समेत व्यवस्था हुन नसक्ने भएपछि अधिवेशन स्थगित गरिएको हो । उक्त निर्णय काँग्रेसको सर्वसम्मत निर्णय भएको बताइएको छ ।
अधिवेशन संगोल पार्टी प्यालेस भरतपुर ४ यज्ञपुरीमा शुक्रबार र शनिबारका लागि तोकिएको थियो । आज उम्मेदवारी मनोनय र भोलि मतदान गर्ने कार्यतालिका सार्वजनिक गरिएको थियो ।
प्रदेश अधिवेशन पछि गर्ने गरी सार्न निर्वाचन समितिलाई सिफारिस गरिएको र सोही आधारमा निर्वाचन समितिले जिल्ला अधिबेशन स्थगन गरेको कांग्रेस चितवनले जनाएको छ ।
