चितवन ।आज विश्व रेडियोग्राफी दिवस । हरेक वर्षको नोभेम्वर ८ मा मनाइन्छ । विलहेल्म रोईन्टेनले सन् १८९५ मा आजकै दिन रेडियोग्राफीको अविष्कार गरेका हुन् । रेडियोग्राफीलाई सामान्यतया एक्स–रे अथवा विकिरण भनेर बुझिन्छ ।

आधूनिक सरल चिकित्सा प्रणालीमा यसले ठूलो सहयोग गरेको छ ।
मानिसको वा वन्यजन्तुको शरिरमा कहाँ के चोटपटक लाग्ने भन्ने भित्री कुरा एक्सरेको माध्यमबाट देख्न सकिन्छ ।

एक्स रे गर्ने रेडियोग्राफर देखि हाम्रो एक्स(रे को रिपोर्ट बनाउने डाक्टर, एम आर आई, सिटी स्क्यान, अल्ट्रासाउन्ड, इकोकार्डियोग्राफी र एनजिओग्राफीजस्ता अत्याधूनीक एक्स(रे उपकरणहरु सञ्चालन गर्ने प्राविधिकहरु यस प्रविधिको उदाहरणीय सारथी बनि सक्रिय छन् ।

आजको दिन विश्वभरि रेडियोग्राफी अनि रेडिएशन थेरापीबारे जानकारी र चेतना फैलाउने दिनको रुपमा लिइन्छ ।