गैँडाकोट । नेकपा एमाले गैँडाकोट नगरकमीटिको भोलि अधिवेशन हुँदैछ । भोलि हुने अधिवेशनका लागि अध्यक्ष पदमा उम्मेदवारी घोषणा गर्नुभएका युवा नेता नवराज कडेँलले आफूलाई जिताउन आह्वान गर्नुभएको छ ।
केन्द्रमा पार्टी गम्भिर संकटमा पुग्दा समेत आफूले गैँडाकोटमा एकताको सन्देश दिन सफल भएको भन्दै अध्यक्षमा निर्वाचित भएपछि नेकपा एमाले गैँडाकोटलाई नयाँ उचाईमा पुर्याउने बताउनुभयो ।
सूर्य चिन्ह र पार्टीको सिद्धान्तलाई बचाउन आफू कुनैपनि कठिन यात्रामा विचलित नभएकाले अवको जीवननै पार्टी संगठनमा समर्पित गर्ने भएकाले अध्यक्षमा जिताउन उहाँले आग्रह गर्नुभयो । गैँडाकोट ५ को वडाअध्यक्ष समेत रहनुभएका कडेँलले विकास र जनताको चाहाना बुझ्न सफल हुनुभएको छ। अन्य पार्टीबाट विजयी जनप्रतिनिधिका वीच पनि कुनै विवाद विना विकास र योजनाका काम सम्पन्न गर्दै जनतामाझ परिचित कडेँलले आफ्नो अकांक्षा र भावनालाई पार्टीको नेतृत्वले समेत बुझिदिने आशा व्यक्त गर्नुभयो ।
सोही सिकाइलाई समेत पार्टी अध्यक्षमा रहेर थप निखार्दै पार्टीमा आवद्ध नेता कार्यकर्तालाई उचित सम्मान र व्यवस्था गर्न पनि आफूले अध्यक्षमा उम्मेदवारी दिएको उहाँले बताउनुभयो । “कार्यकर्ता विना पार्टी बलियो हुँदैन उहाँले भन्नुभयो,“भोको कार्यकर्ताले संगठन दौडिदैन त्यसैले सवैलाई क्षमता अनुसारको अवसर दिनुपर्छ जुन काम अध्यक्ष भएपछि म गर्नेछु ।”
कडेँलले निर्वाचन भन्दा सवैले सर्वसम्मत आफूलाई अध्यक्षमा चयन गर्नुहुनेछ भन्ने अपेक्षा रहेको धारणा व्यक्त गर्नुभयो । युवा संघको भूमिका निभाउँदै पार्टीको नेतृत्वमा आउनुभएका कडेँलले पार्टीमा समानान्तर कमिटी वनिरहदा संयोजकमा रहेर गैँडाकोटमा एकताको सन्देश दिनुभएको थियो । तर २०७५ जेठ २ मा फर्कीने पार्टी केन्द्रको नेतृत्वले गरेको निर्णयलाई समेत अक्षरंश पालना गरी त्यागको सन्देश दिनुभएको थियो ।
पार्टी भन्दा ठूलो आफू नभएको भन्दै सर्वसम्मतीमा आफू वाधक नभएको बताउँदै आफूले निर्वाह गरेको भूमिकालाई नभुल्न भने आग्रह गर्नुभयो । कार्यकर्ताले नवराज कडेँलले प्रतिवद्धता पूरा गर्ने व्यक्ति हो भन्दै विश्वास गरेकोले मात्रै उम्मेदवारी दिएको र आफूलाई यो पटक अवसर दिएर काम गर्ने मौका दिन अनुरोध गर्नुभयो ।
कडेँलले भन्नुभयो,“मेरो उद्देश्यनै पार्टीलाई नयाँ उचाईमा पुर्याउने र गुटउपगुटको अन्त्य सहित सवैलाई समान व्यवहान गर्ने हो । अव मेरो पूर्ण जीवन यही पार्टीमा समर्पित गर्दै संगठन थप मजवुद गराउने र आगामी स्थानीय देखि संघीय चुनावमा धेरै सीट जिताउने गरी काम गर्ने हो।”
कडेँल सहित नगर अध्यक्षका लागि गिरीराज उपाध्याय, देवीदत्त कंडेल र रामचन्द्र धितालले उमेदवारी दिने घोषणा गर्नुभएको छ ।
कार्तिक ९गते हुने भनिएपनि भोलि कार्तिक ११ गते गैँडाकोट १३ कालाबन्जरा रिर्सोटमा विहान ११ बजेदेखि प्रथम नगर अधिवेशन सुरु हुँदैछ । नगरका १८ वटा वडाबाट ३६७ र अधिवेशन आयोजक कमिटीबाट ४८ जना गरी कुल ४१५ जना प्रतिनिधिहरु अधिवेशनको बन्द सत्रमा सहभागी हुने नेकपा एमालेले जनाएको छ ।
