चितवन । गत असोज २६ गतेदेखि हराइरहेका आमा छोरी देवघाटमा भेटिएका छन् । चितवनको भरतपुर महानगरपालिका गितानगर बसोबास गर्दै आउनु भएको लक्ष्मि अधिकारी र सुस्त मनस्थितिकि संगिता अधिकारी आमा छोरि फुलपातिको दिन देखि हराएका थिए ।
खाना खाएर घरबाट आमाले हरियो कुर्था सुरुवाल र छोरिले रातो कलरको कुर्था सुरवाल लगाउनु भएको र कालो कलरको हाते ब्याग बोकेर घरबाट निस्कनु भएको विवरण सहित उहाँका छोरा विनोद अधिकारीले बताएपछि विभिन्न संचारमाध्यममा समाचार आएका थिए । साथै सामाजिक संजाल सहितको सहयोगमा आमा र छोरी सकुशल भेटिएको छोरा विनोदले जानकारी दिनुभयो ।
देवघाटमा बसपार्क हेर्ने व्यक्तिले उहाँहरुलाई देखेपछि छोरालाई खवर गर्नुभएको थियो । आज विहानै देवघाट जाँदा पुल पारी रहेको पसलमा चप्पल किनेर केही अगाडि पुगेको अवस्थामा भेट्टाउन सफल भएको उहाँले बताउनुभयो ।
भरतपुर महानगरपालिका वडा नम्बर ५ हेल्थपोष्ट नजिकैबाट ५० वर्षीय लक्ष्मी अधिकारी र २६ वर्षीय संगिता अधिकारी बेपत्ता भएका थिए ।
