चितवन । अन्तत १३ औँ साफ च्याम्पियनसिपको उपाधि हात पार्नबाट नेपाल पछि परेको छ । हिजो माल्दिभ्सको मालेमा भएको फाइनल खेलमा भारतले ३ गोल गरेपछि उपविजेतामै चित्त बुझाएको नेपालले एक गोल पनि गर्न सकेन ।
२०२१ को यो उपाधि सँगै भारतले आठौँ पटक दक्षिण एसियाली फुटबल च्याम्पियनसिप जित्न असफल भएको छ ।
पहिलो हाफ गोल रहित बराबरीमा नेपालले रोक्न सकेको थियो। तर लगातार नेपालको गोलपोष्टमा आक्रमण गरेको भारतले दोस्रो हाफ सुरु हुनासाथ वर्षाबीच चलेको खेलको पहिलो गोल सुनील क्षेत्रीले ४९ औं मिनेटमा गरे । नजिकको दूरीमा प्राप्त क्रसलाई उनले सजिलै हेडबाट पहिलो गोल गरे । यो भारतका लागि उनको ८० औं गोल रह्यो । पहिलो गोल खाएर सम्हालिन पनि नपाएको नेपालविरुद्ध सुरेश सिंहले ५० औं मिनेटमा दोस्रो गोल थपे र उनले यसका लागि पेनाल्टी एरियाबाट शक्तिशाली प्रहार गरेका थिए । यस्तै खेलको ९० औं मिनेटमा सब्स्टिच्युट साह अल्दुलले तेस्रो गोल गरे ।
नेपालले पनि केही अवसर पाएपनि गोल हुन सकेन । एक पटक पोललमा लागेर गोल हुन सकेन भने अर्को पोष्ट ठिक माथिबाट बल गएको थियो । तर खेल हुँदा भएको वर्षा, पहिलो पटक फाइनल खेल्नुको तनाव, अनि ‘डगआउट’ मा मुख्य प्रशिक्षकको अनुपस्थिति आदिले चर्को दबाबबीच नेपाल साफ च्याम्पियनसिप २०२१ को फाइनलमा पहिलो पटक पुग्नुनै सफलताको रुपमा हेरिएको छ ।
