चितवन । आमरण अनसन बसेर न्याय माग्दा रुबी खानलाई अस्पताल भर्ना गरिएको छ । नौं दिनदेखि आमरण अनसनरत खानलाई अवस्था विग्रदै गएपछि अस्पताल भर्ना गरिएको हो । बाँकेको नवानी गाउँकी नकुन्नी धोबी र परस्पुर गाउँकी निर्मला कुर्मीको मृत्यु घटनामा प्रहरीले गरेको अनुसन्धान चित्त नबुझेपछि बाँकेका ११ महिलासहित १४ जना न्यायको खोजीमा नेपालगञ्जबाट २० दिन हिँडेर काठमाडौं पुगेका थिए ।
काडमाडौं आए लगतै प्रहरीले रुबीलाई पक्राउ गरेर वहुविवाहको मुद्दामा फसाउन खोजेको थियो । तर सर्वोच्च अदालतले रिहा गर्न आदेश दिएपछि छुटेकी उहाँले आमरण अनसन भने जारी राख्नुभएको छ ।माइतीघर मण्डलामा अनसनरत उहाँलाई शनिबार अपरान्ह त्रिवि शिक्षण अस्पताल, महाराजगञ्ज लगिएको हो ।
सार फेर्न गाह्रो हुनुका साथै शरीरमा पानीको मात्र कम भएपछि अस्पताल लगिएको छ । अस्पताल जानु अघि सञ्चारकर्मीहरुसँग कुरा गर्दै रुबीले आन्दोलनकारीलाई धम्की आइरहेकोले सुरक्षाको ग्यारेन्टी र झुटा मुद्दामा नफसाउन आग्रह गर्नुभयो ।
