चितवन । चितवन जिल्लाको भरतपुर महानगरपालिका गितानगरबाट आमा छोरी वेपत्ता भएका छन् । पांँचदिनदेखि वेपत्ता भएको भन्दै परिवारजनले खोजी गरिदिन अनुरोध गरेका छन् ।
भरतपुर महानगरपालिका वडा नम्बर ५ हेल्थपोष्ट नजिकैबाट ५० बर्षीय आमा लक्ष्मी अधिकारी र उनकी २६ बर्षीय छोरी संगिता अधिकारी हराएको छोरा विनोद अधिकारीले जानकारी दिनुभयो । विनोदका अनुसार घरमा फूलपातीका दिन बिहान सामान्य घरायसी झैझगडा पश्चात आमा र विनोदकी बहिनी बिहान सांँढे १० बजेतिर घरबाट निस्किएका थिए ।
साँझ ६ बजेतिर सम्पर्क गर्दा मोबाईलको घण्टी गएपनि आमाले नउठाएको विनोदको भनाई छ । त्यसपछि आमाको मोबाईलमा सम्पर्क नभएको र टीकाको दिनमा समेत आमा नआएपछि प्रहरी कार्यालयमा खोजतलासको लागि निवेदन दिएको जानकारी दिनुभयो ।
बहिनी सुस्त मनस्थिति भएको र आमा सम्पर्कमा नआएपछि खोजिदिन र कसैले भेटेमा नजिकैको प्रहरी कार्यालयमा खबर गरिदिन उहाँको आग्रह छ । छोरा विनोद अधिकारीको सम्पर्क नम्बर ९८१२ २९४४११ र ९८४५६ ५५८९५ रहेको उहाँले बताउनुभयो ।
