चितवन । निर्वाचित भएर अवधि सकिनै लागेको वर्ष भरतपुर महानगरपालिका १० ले आफ्नै वडा भवन निर्माण गरी आज उद्घाटन गरेको छ ।
जिल्ला प्रहरी कार्यालय चितवन अगाडि भरतपुर महानगर र जिल्ला समन्वय समितिको सहयोगमा निर्मित २ तले भवनको भरतपुर महानगर प्रमुख रेनु दाहालले उदघाटन गर्नुभएको हो।
२९ वटा वडा रहेको महानगरमा जनप्रतिनिधि आएपछि १४ वटा नयाँ भवनहरु निमार्ण भईसकेका छन् भने ६ वटा लाई मर्मतसम्भार गरि सेवा प्रदान गरिदैं आएको छ ।
केही वडा भवन निमार्णका लागी प्रक्रिया अगाडि बढेको महानगरले जनाएको छ । महानगरले १४ वटा वडाका नयाँ भवन निमार्णका लागि झण्डै ३१ करोड रकम लगानी गरेको महानगरका लेखा शाखा प्रमुख जगन्नाथ अर्यालले जानकारी दिनुभयो ।
भवनको उदघाटन गर्दै भरतपुर महानगर प्रमुख रेनु दाहालले जनप्रतिनिधि आएको यो ४ वर्षको अबधिमा महानगरमा धेरै बिकास भएको बताउनुभयो ।
कार्यक्रममा युएनडिपिले बिपतका बेला प्रयोग हुने उपकरणहरु समेत वडा कार्यालय लाई प्रदान गरेको छ । सो अवसरमा बिभिन्न ब्याक्तिहरुलाई सम्मान पत्रसंगै मायाको चिनो समेत प्रदान गरिएको थियो ।
कार्यक्रममा वडाअध्यक्ष अरुण पीडित भण्डारी, उपप्रमुख पार्वती शाह ठकुरी लगायतको उपस्थिती रहेको थियो ।
