चितवन । साफ च्याम्पियनसिपमा नेपालले माल्दिभ्समाथि शुक्रवार ऐतिहासिक जित हासिल गरेको छ । मनिष डाँगीले निर्णायक गोल गरेपछि नेपालले आफ्नो पहिलो खेलमा आयोजक माल्दिभ्सलाई हराउँदै विजयी सुरूआत गरेको छ।

जितसँगै नेपालले तीन अंक जोडेको छ । प्रतियोगितामा बंगलादेशले पनि तीन अंक जोडेको छ । बंगलादेशले पनि आज श्रीलंकालाई १–० ले नै पराजित गरेको थियो ।

मालेस्थित राष्ट्रिय फुटबल रंगशालामा भएको खेलमा दोस्रो हाफमा मैदान प्रवेश गरेका मनिषले ८६ औँ मिनेटमा गोल गरेका थिए।

साफ च्याम्पियनसिपमा नेपालले माल्दिभ्सलाई हराएको यो पहिलो पटक हो । यसअघि दुई टोली साफमा अहिलेसम्म सात खेलमा प्रतिस्पर्धा गरेका थिए। त्यसमध्ये माल्दिभ्सले पाँच जित्दा भने दुई बराबरीमा टुंगेको थियो ।

सबै तस्बिरहरू- विवेक सुवेदी/एन्फा