चितवन । नेकपा एमालेको विद्यान महाधिवेशन आजदेखि सुरु भएको छ । विधान महाधिवेशनमा प्रस्ताव प्रतिवेदनहरुमाथि छलफल गर्न १० वटा समूह बनाएको छ । सबै समूहलाई भोलि बिहान ८ बजे आउन र ४ घण्टा अर्थात् २ बजेसम्म छलफल गर्न भनिएको छ । २ बजे मूल बैठक बस्ने र टोली नेताहरुले छलफलको निष्कर्षहरु पेश गर्ने एमालेले जनाएको छ ।
ललितपुरको गोदावरीमा शुरु भएको महाधिवेशनमा अध्यक्ष केपी शर्मा ओलीले राजनीतिक र महासचिव ईश्वर पोखरेलले सांगठनिक प्रतिवेदन पेश गर्नुभएको थियो । कार्यक्रममा बोल्दाबोल्दै अध्यक्ष केपी शर्मा ओली विरामी भएपछि अर्का नेताले वाँकी प्रतिवेदन प्रस्तुत गर्नुभएको थियो । उपमहासचिव विष्णु पौडेलले विधान संशोधन प्रस्ताव पेश गर्नुभएको छ । त्यसपछि समूहगत छलफलका लागि सहभागीहरुलाई १० वटा समूहमा विभाजन गरिएको हो ।
समूह क को अध्यक्षता देवराज घिमिरेले गर्ने र सहजीकरणका लागि भीम आचार्य र सुवास नेम्वाङ तोकिएको छ । समूह खको अध्यक्षता ज्वाला साहले गर्ने र सहजीकरण सत्यनारायण मण्डल र रघुवीर महासेठले गर्नेछन् ।
समूह गको अध्यक्षता आनन्द पोखरेलले गर्नेछन् भने सहजीकरणको जिम्मा अष्टलक्ष्मी शाक्य र रामबहादुर थापा बादललाई दिइएको छ । समूह घको अध्यक्षता जगत विश्वकर्माले गर्दा सहजीकरण किरण गुरुङ र पृथ्वीसुब्बा गुरुङले गर्नेछन् ।
समूह ङको सहजीकरण विष्णु पौडेल र शंकर पोखरेलले गर्दा समूह चको अध्यक्ष गोरखबहादुर बोगटी तथा सहजीकरण युवराज ज्ञवाली र यमलाल कँडेलले गर्नेछन् । यसैगरी उपत्यका विशेष कमिटी र सम्पर्क मञ्चहरुका प्रतिनिधिहरुको समूहको अध्यक्षता सुजिता शाक्यले गर्नेछिन् भने सहजीकरणका लागि छविलाल विश्वकर्मा र राजन भट्टराईलाई तोकिएको छ ।
जनवर्गीय संगठनहरुबाट आएका प्रतिनिधिहरुको समूहमा सहजीकरणको जिम्मेवारी गोकर्ण विष्ट र टोपबहादुर रायमाझी तथा केन्द्रीय निकाय र आयोगहरुको समूहमा सहजीकरणको जिम्मा अमृत बोहोरा र पुष्प कँडेललाई दिइएको छ ।
तस्बिर ः नेता सुरेन्द्र पाण्डे
