मकवानपुर । जवरजस्ती करणी उद्योग मुद्दामा फरार हेटौंडाका एक जनालाई मकवानपुर प्रहरीले पक्राउ गरेको छ । हेटौंडा उपमहानगरपालिका वडा नम्वर ९ बस्ने २८ वर्षीय ओम पुलामी मगरलाई पक्राउ गरेको हो ।

मकवानपुर जिल्ला अदालतको मिति २०७७ साल चैत्र १८ गतेको फैसलाले जबरजस्ती करणी उद्योग मुद्दामा २ वर्ष ६ महिना कैद भुक्तान गर्न बाँकी रहेपछि प्रहरीले उनको खोजी गरेको थियो । फरार रहेका उनलाई ईलाका प्रहरी कार्यालय पशुपतिनगर मकवानपुरबाट खटिएको प्रहरी टोलीले पक्राउ गरेको हो ।

मगरलाई हेटौंडा उपमहानगरपालिका–९ बाट पक्राउ गरी आवश्यक कारबाहीको लागि मकवानपुर जिल्ला अदालत मकवानपुरमा उपस्थित गराईएको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए ।