चितवन,असोज ९ । चितवनको एक मात्रै भरतपुर महानगरपालिकाको काँग्रेस सभापति पदमा उम्मेदवारी दर्ता गराउनुभएका नेता भरतमणी अधिकारीले काँग्रेसको इतिहास जोगाउँदै वर्तमान उज्वल गराउने बताउनुभएको छ । अधिनायकवादी खोल ओढेर प्रजातन्त्र लोकतन्त्रलाई खतरा गराइरहेका तत्वलाई परास्त पार्न आफू मैदानमा उत्रिएको उहाँको भनाई छ। साथै महानगर सभापतिमा विजयी हुनासाथ कुनै पनि आवधिक निर्वाचनमा भाग नलिने उहाँले प्रष्ट पार्नुभयो । १० औँ महाधिवेशनदेखि आफूसँगै पराजय साथीहरु सांसद भइसकेको भन्दै आफू कुनै पनि लोभ लालच नभएको व्यक्ति भएको भन्दै उहाँले आफूले जित्ने दावी गर्नुभयो ।
उहाँ सहित पाँच जनाले आफ्नो उम्मेदवारी दर्ता गराउनुभएको छ । मतदान भोलि हुदैछ । भरतपुर १५ विश्वप्रकाश माविमा मदतानको कार्यक्रम रहेको छ ।