भदौ १३ । नवलपुर जिल्लाको दुई स्थानमा इलाका प्रशासन कार्यालयको माग गरिएको छ । नवलपुरका प्रतिनिधि सांसद, नेपाली काँग्रेसका नेताहरुले गृहमन्त्रीलाई भेटेर कार्यालय स्थापनाको माग गरेका हुन् । आज गृहमन्त्री रमेश लेखकलाई भेटेर जिल्ला प्रशासन कार्यालयसँग अपाएक ठाउँमा इलाका प्रशासन कार्यालय स्थापनको माग राखेका छन् ।
जिल्लाको दुर्गम पहाडी क्षेत्र बुलिगटार र बौदिकालि गाउँपालिकालाई कावासोती सम्म सेवा लिन कठिन भएको भन्दै सो स्थानमा इलाका प्रशासन कार्यालय स्थापना गर्न माग गरिएको हो ।
त्यस्तै जिल्लाको विनयी त्रिवेणी गाउँपालिकाको ६ र ७ समेत भौगोलिक हिसावले विकट भएको र गाउँपालिकाको कार्यालय तथा प्रशासन आउन लुम्बिनी प्रदेशको बर्दघाट नगरपालिका हुँदै लामो दुरी पार गर्नपर्नुे वाध्यता रहेको भन्दै सम्भव भए इलाका नभए विशेष सेवा केन्द्र घोषणा गरी सेवा उपलब्ध गराउन माग गरिएको हो ।
बुलिङटार तथा बौदिकालिका लागि भने जसरी पनि इलाका प्रशासन कार्यालय स्थापना गर्न भनिएको छ ।
सो क्षेत्रमा इलाका प्रशासन कार्यालय स्थापना गर्न आर्थिक वर्ष २०७८/७९ दर्ता नम्वर २८ को निवेदन २०७८ माघ ६ गते मन्त्रालयमा माग राखेपनि अझै कार्यान्वयनमा नआएको भन्दै आज पुन निवेदन बुझाइएको हो ।
निवेदकहरुमा नवलपुर क्षेत्र १ का संघीय सांसद डा.शशांक कोइराला, क्षेत्र २ का संघीय सांसद विष्णु कुमार कार्की, नेपाली काँग्रेस जिल्ला सभापति महेन्द्रध्वज जिसी,काँग्रेस गण्डकी प्रदेशका महामन्त्री विष्णु प्रसाद लामिछाने लगायत १५ जना रहेका छन् ।
