भदाै ११ । तनहुंकाे ऋषिङ गाउंपालिका ४ भिरकाेटमा भएकाे तिज गीत प्रतियोगितामा यस पटक पनि काेपिला आमा समुह प्रथम भएकाे छ । पालिङटारकाे याे आमा समुहले गत बर्ष पनि प्रथम स्थान हासिल गरेकाे थियाे ।
देशकाे राजनितीक बिकृति तथा बिसंगती र संसदमा बहसमा आएकाे बहुबिवाहलाइ मान्यता दिने जस्ता विकृत विषयकाे तीखाे आलाेचना सहितका शब्द गीतमा उल्लेख थिए ।
गणतन्त्र आएकाे यतिका बर्षसम्म कुनै उद्योग कलकारखाना स्थापना नभएको, युवा शक्ति श्रम र अनुभवलाई देशमा प्रयाेग गर्न असफल भइ युवाहरु विदेशीनु परेकाे विषयलाई गीत मार्फत प्रस्तुत गरेका थिए । प्रथमसंगै उनीहरुले ५ हजार नगद हात पारेका छन् ।

संजालले बर्सेनि हरितालीका तिजकाे संरक्षण र प्रवर्द्धनमा भूमिका खेल्दै प्रतियोगिता आयाेजना गर्दै आएकाे छ ।

स्थानीय एवम् शिक्षक बिर्खराज विकका अनुसार प्रतियोगितामा जुनेली आमा समुह द्वितीय, जनसेवा आमा समुह र मण्डली आमा समुह तृतीय हुदै क्रमशः ३ हजार र २ हजार प्राप्त गरेका छन् ।
गाउँ पालिका अध्यक्ष राजेन्द्रकृष्ण श्रेष्ठले उद्घाटन गर्नुभएको कार्यक्रम हुमादेवी रानाभाटले चलाउनु भएको हाे ।

प्रतियाेगितात्मक रुपमा कार्यक्रम हुंदै आएपनि परम्परागत रुपमा समुह समुहमा बसेर झाेरा लगाउने संस्कृति भने लाेप भएकाे छ । केही बर्ष पहिलेसम्म भने विभिन्न ठाउँबाट स्वत:स्फूर्त आएर समुहमा गीत गाउने नाच्ने गर्दथे । आफ्नाे गाउँ समाजका विभिन्न विषयलाइ गीत बनाएर नाच्ने गाउने गर्दथे । जसले तिजकाे माैलिकपन झल्काउने गर्दथ्याे । त्यसरी गाउने नाच्ने समुहकाे अवलाेकन मूल्यांकन गरी पुरस्कृत गर्ने परम्परा थियाे । गणतन्त्र आएर गाउँपालिका भएसंगै साे परम्परा भने हराएकाे छ । अहिले प्रतियाेगितात्मकरुपमा मात्रै संचालन हुने गरेकाे हाे । त्याे संगै पहिला जस्ताे गाउंमा मानिसहरुकाे बसाइ पनि पातलिदै जांदा उक्त परम्पराले निन्तरता नपाएको स्थानीयकाे भनाइ छ । अहिले प्रतियोगिता सकियपछि माइकमा बजारमा आएका विभिन्न तिज गीत लगाएर नाच्ने र रमाइलाे गर्ने गरिन्छ ।

कार्यक्रममा वडा अध्यक्ष प्रेम श्रेष्ठले कार्यक्रम गर्न वडाले बजेट दिंदापनि कार्यक्रममा सहभागी समुह कम भएको भन्दै गुनासो गर्नुभयो । भिरकोटका सबैतिरबाट सहभागीता बढ्नुपर्नेमा उहाँको जोड थियो । गीत मार्फत व्यक्त गरिने शब्दले गाउँको समस्या समेत थाहा पाउन मद्दत मिल्ने भन्दै मनोरन्जनसंगै यसले जनप्रतिनिधिलाइ थप जिम्मेवार बनाउनेमा उहाँको दाबी थियो ।

कार्यक्रममा निवर्तमान वडाअध्यक्ष भाेजराज रानाभाट, नेता माेहन गिरी लगायतकाे समेत उपस्थिति रहेकाे थियाे ।
कार्यक्रम बाल बिकास माविकाे प्राङ्गणमा भएकाे हाे ।