भदौ ७, गैँडाकोट । नगरकै नमुना सामुदायिक विद्यालय जनक नमुना माध्यामिक विद्यालयका भूतपूर्व विद्यार्थीहरु एक जुट हुन थालेका छन् ।
शिक्षक प्रतिनिधि दिपक ढुङ्गाना शर्माको सक्रियतामा आज खेमराज तिवारीको अध्यक्षतामा भूतपूर्व विद्यार्थी मञ्च गठन गरिएको हो । भूतपूर्व विद्यार्थीहरुको भेला २०८२ ले नयाँ समिति गठन गरेको हो ।
विद्यालयका प्रधानाध्यापक चुडामणि शर्माको समन्वयमा आज १७ सदस्यीय मञ्च गठन गरिएको छ । जसको उपाध्यक्षमा किसान गुरुङ, सचिवमा सुवासचन्द्र आचार्य,सहसचिवमा सुगम पोखरेल, कोषाध्यक्षमा अनिता देवकोटा चयन हुनुभएको छ ।
सदस्यहरुमा आनन्द चालिसे,बामदेव घिमिरे, प्रकाश पौडेल, सुमन पण्डित, अनन्त कण्डेल,विजय पाण्डे, सरस्वती आचार्य, पुष्पराम महतो, शंकर जीसी,नारायण तिवारी, नारायण पौडेल र विकास आचार्य हुनुहुन्छ ।
विद्यालयले गर्दै आएको प्रगतिको मूल्याङ्कन, भौगौलिक सामाजिक शैक्षिक वातावरणलाई थप बलियो गराउन मञ्चको आवश्यकता परेको शिक्षक प्रतिनिधि ढुङ्गाना शर्माले बताउनुभयो । एक हप्ता अघि तदर्थ समिति गठन गरेर आज समिति चयन गरिएको हो ।
अवको समितिले विस २०३६ सालदेखि हालसम्म पासआवट भएका कक्षा १० र १२ का भूतपूर्व विद्यार्थीहरुलाई समेट्दै लग्ने छ ।
एउटा व्याजको एक जना संयोजक तोकेर यसलाई बृहत बनाइने र ती विद्यार्थीहरुको अनुभवलाई विद्यालयको थप विकास र वृद्धिमा प्रयोग गर्दै लगिने योजना रहेको विद्यालयका प्रधानाध्यापक चुडामणी शर्माले बताउनुभयो । नियमित कार्य संचालनका लागि विद्यालयले एउटा कोठा समेत उपलब्ध गराउने उहाँको भनाई छ ।
कार्यक्रममा बोल्दै बद्री सापकोटाले शिक्षाको ज्योति दिएको विद्यालयलाई अव थप सहयोग र विकासमा जोडिन यस मञ्चले भूमिका खेल्नुपर्नेमा जोड दिनुभयो ।
कार्यक्रममा विद्यालय व्यवस्थापन समिति, समाजसेवी शिक्षक तथा विद्यार्थीहरुको उपस्थिती रहेको थियो ।
