भदौ ७, गैँडाकोट । ऋषि पन्चमीमा महिलाहरुलाई पनि बिदा नदिएपछि गण्डकी प्रदेश सरकारको आलोचना बढेको छ । मुख्यमन्त्री तथा मन्त्रिपरिषदको कार्यालय पोखराले एक सूचना जारी गर्दै ऋषि पन्चमीमा महिलाहरुलाई पनि बिदा नरहेको सूचना जारी गरेको हो ।

सूचनामा भनिएको छ,‘भदौ १२ गते बिहीबार ऋषि पञ्चमीको दिन सार्वजनिक बिदा महिला कर्मचारीलाई समेत नरहेको’ भनिएको छ । सदाका बर्षहरुमा महिलाहरुलाई बिदा दिइदै आएपनि यो बर्ष यस्तो सूचना सरकारले साबर्जनिक गरेको हो ।

उपसचिव एवम सूचना अधिकारी प्रवीण ढकालद्धारा हस्ताक्षर गरी जारी गरिएको सूचनाप्रति सामाजिक संजालमा भने चर्को आलोचना भएको छ । हिन्दू धर्मलाई अपमान गर्न र परम्परागत रितीरिवाज र यो पर्वको मान्यता माथि सरकार आफैले हमला गरेको भनेका छन् ।