चितवन,कार्तिक १५ । चितवन राष्ट्रिय निकुञ्जले तियारी जाल प्रयोग गरेर माछा मार्ने ३ जनालाई कारबाही गरेको छ । सूचना अधिकारी अविनाश थापा मगरका अनुसार अनुमति नलिई निकुञ्ज प्रवेश गरेका ३ जना, बालुवा चोरी निकासी गरेका ४ जना सहित जम्मा १० जनालाई कारबाही गरेको छ ।
कार्तिक १ गतेदेखिको विवरण सार्वनिक गर्दै सो जानकारी दिइएको हो ।
त्यस्तै यो अवधिमा ४ वटा गैँडा मृत भेटिएको छ । यो अवधिमा वन्यजन्तुको आक्रमणबाट एक मानिसको मृत्यु भएको छ । तीनचुली मध्यवर्ती सामुदायिक वनमा कार्तिक २ गतै सामुदायिक वनमा प्रवेश गर्नेक्रममा जित बहादुर थिङको बाघकको आक्रमणबाट मृत्यु भएको हो ।
त्यस्तै माडी ९ का कुसुम खोला क्षेत्रमा भएको अतिक्रमणलाई समेत हताउन सफल भएको छ ।
साथै चाडपर्वको समयमा दुर्लभ वन्यजन्तुहरुको चोरी सिकारी हुने गरेको तथ्यलाई मध्यनजर गरी थप गस्ती तथा स्वीपिङ कार्यलाई निरन्तर दिई निकुञ्ज सुरक्षा बताइएको थापाले जानकारी दिनुभयो ।