कार्तिक ३ । सहकारी ठगीकाण्डमा पूर्व गृहमन्त्री राष्टिｫय स्वतन्त्र पार्टीका सभापति रवि लामिछानेलाई प्रहरीले पक्राउ गरेको छ । शुक्रवार पार्टी कार्यालय काठमाण्डौबाट लामिछानेलाई नियन्त्रणमा लिइएको हो ।
उनलाई पक्राउ गर्न सिआइबीका एसपी होबिन्द्र बोगटीको टोली पुगेको थियो । लामिछानेलाई स्थलमार्गबाट पोखरा लगिएको छ ।
रवि लामिछानेले प्रहरीलाई अनुरोध गरेपछि गाडीबाटै लगिएको हो ।
जिल्ला अदालत कास्कीबाट लामिछानेविरूद्ध शुक्रबार पक्राउ पुर्जी जारी भएको हो। जिल्ला अदालत कास्कीका न्यायाधीश कृष्णजंग शाहको इजलासले लामिछानेविरूद्ध पक्राउ पुर्जी जारी गरेको हो। लामिछानेविरूद्ध संगठित अपराध र सहकारी ठगी कसुरमा पुर्जी जारी भएको हो।
सहकारी बचत रकम अपचलनमा संलग्न देखिएको भन्दै संसदीय छानबिन समितिले लामिछानेलाई पनि कारबाही गर्न सिफारिस गरेको थियो।
लामिछाने माथि पोखराको सूर्यदर्शन सहकारीको रकम गोर्खा मिडियामा लैजाने योजना बनाएर संगठित रूपमा धेरै मान्छेलाई तह(तह संलग्न गरी ठगी गरेको देखिएकाले संगठित अपराधमा अनुसन्धान हुने बताइएको छ । संसदको सहकारी ठगी विशेष छानबिन समितिको प्रतिवेदनमा लामिछानेले पनि सहकारी ठगी र किर्ते गरेको उल्लेख थियो। समितिले उनलाई प्रचलित कानुनअनुसार कारबाही बढाउन भनेको थियो। यसमा संगठित अपराध पनि थपिएपछि अब लामिछानेविरूद्ध तीनवटा कसुर सहकारी ठगी, संगठित अपराध र किर्ते लिखतमाअनुसन्धान हुने देखिन्छ ।
यता पक्राउ परेका लामिछानेले पक्राउपूर्व पार्टी कार्यालयमा सम्बोधन गरेका थिए । उनले अहिलेको सरकारले प्रतिशोध साँध्न आफूलाई पक्राउ गरेको र आफू व्यक्तिका लागि नभइ राष्टिｫय स्वतन्त्र पार्टीको अभियानलाई तुहाउन खोजेकाले सक्रिय भएर यसको प्रतिवादमा लाग्न आह्वान समेत गरेका थिए ।
