असोज १४ । असोज १० देखि परेको अविरल वर्षासँगै आएको बाढी र पहिरोका कारण हालसम्म १७० जनाको ज्यान गएको छ । गृहमन्त्रालयका अनुसार ४३ जना अझै बेपत्ता छन् ।

काठमाडौंको नागढुंगा नजिकै झाप्ले खोलामा मात्र बस तथा हाइसगरी तीन वटा गाडिमाथि पहिरो खस्दा ३५ जनाको मृत्यु भएको थियो । ११ जना घाइते भएका छन् । उनीहरुको निःशुल्क उपचार भइरहेको छ ।

करिव ४ हजार विपत प्रभावितलाई उद्दार गरिएको छ । आइतबार मात्र काभ्रे, सिन्धुली, ललितपुर लगायतका जिल्लाबाट घाइते र अलपत्र गरी १६२ जनाको नेपाली सेनाको हेलिकप्टरबाट उद्धार गरिएको मन्त्रालयले जनाएको छ । अहिले वर्षा भने रोकिएको छ ।