असोज १४ । नेपालमा असोज १० देखि ठूलो र लातार वर्षा भयो । लगातार परेको बर्षाका कारण पहिरो जाँदा नागढुंगा नौविसे सडकखण्डको झ्याप्ले खोलामा तीन वटा गाडी पुरिएको पाइएको छ । नेपाल प्रहरीका अनुसार पहिरो पन्छाएर बस खोजिएको हो । जिप,हाइस र बस गरी ३५ जनाको शव निकालिएको छ । धुनीबेशी नगरपालिका–९ झ्याप्ले खोलामा हालसम्म ३५ जनाको शव फेला परेको हो।
बुटवलबाट काठमाडौंतर्फ आउँदै गरेको लु १ ज ४५७८ नम्बरको विंगर जिप ,चितवनबाट काठमाडौंतर्फ आउँदै गरेको बा ३ ख १३४५ नम्बरको हायस,गोरखाबाट काठमाडौंतर्फ आउँदै गरेको ना ४ ख २२७० नम्बरको बस र बा १ प १३८८ नम्बरको बसमा क्षति पुगेको थियो।
प्रहरीका अनुसार विंगर जिपमा सवार ८ जना पुरूष, ५ जना महिला र एक जना बच्चा गरी १४ जना, हायसमा सवार १२ जना पुरुष र ४ जना महिला तथा बसमा सवार ५ जना पुरुष यात्रुहरू पहिरोमा पुरिएका थिए।
पहिरोमा पुरिएकाहरुको सशस्त्र प्रहरी बल नेपाल, नेपाल प्रहरी र नेपाली सेनाको संयुक्त टोलीले खोजी तथा उद्धार कार्य गरिरहेको छ। उक्त क्षेत्रमा सडक भने अहिले दुइतर्फि संचालनमा आएको प्रहरीले जानकारी दिएको छ ।
