चितवन, साउन २४ । जित नजिक पुगेर अन्तत् नेपाली महिला फुटवल टिम काभा महिला भलिबल नेसन्स लिगको उपाधिबाट बन्चित भयो ।
भारतले बुधबार ५ सेटको संघर्षमा नेपाललाई पराजित गर्दै सेन्ट्रल एसियन भलिबल एसोसिएसन ९काभा० महिला भलिबल नेसन्स लिगको उपाधि जितेको हो।
राउन्ड रोबिन लिगमा नेपालले भारतमाथि सनसनीपूर्ण विजय हात पारेको थियो । दुई पटक सेटमा अग्रता लिए पनि नेपालले त्यसको फाइदा उठाउन सकेन र भारतले फाइनलमा त्यसको बदला लिँदै त्रिपुरेश्वरस्थित कभर्डहलमा २३–२५, २५–१४, २२–२५, २५–२१, १५–५ को नतिजा निकाल्यो ।
५ राष्ट्र सहभागी प्रतियोगिताको राउन्ड रोबिनको खेलमा नेपालले भारतमाथि २५–१८, १२–२५, २५–१७, १८–२५, १५–१३ को सेटमा विजय पाएको थियो । सन् २०१९ मा यसै कोर्टमा भएको १३ औं दक्षिण एसियाली खेलकुदमा नेपालले यही नियति भोग्नुपरेको थियो । प्रतियोगिताभर उत्कृष्ट खेलेको नेपालले फाइनलमा दुई सेटको अग्रता लिए पनि भारतले उत्कृष्ट पुनरागमन गर्दै स्वर्ण हत्याएको थियो ।
