नवलपुर । केही दिनदेखि आएको अविरल वर्षाले आएको बाढीपहिरोमापरी हालसम्म ७० जनाले ज्यान गुमाएका छन् । जेठ २८ देखि आज बिहानसम्मको तथ्याकंका अनुसार ७० जनाको मृत्यु, ८६ जना घाइते र पाँच जना बेपत्ता भएका छन् । प्रहरीका अुनसार घाइतेको स्थानीय अस्पतालमा उपचार भइरहेको छ ।
उक्त अवधिमा बाढीपहिराका नौ सय ६६ घटना घटेका छन् । त्यसमा ८६ घरमा क्षति पुगेको र तीन सय ३५ पशु चौपायको मृत्यु भएको छ ।

उक्त अवधिमा चार हजार सात सय ९० प्रहरी बाढीपहिरामा परिचालन गरिएको र रु नौ करोड ५६ लाख ७४ हजार दुई सय ५० मूल्य बराबरको क्षति पुगेको प्रहरी प्रधान कार्यालयले जनाएको छ ।