बैशाख ११ । आज लोकतन्त्र दिवस । विभिन्न कार्यक्रम गरी यो दिवस मनाइएको छ । जनताले चुनेका प्रतिनिधिले शासन गर्नेगरी ल्याइएको व्यवस्थाले सन्तुष्ट दिन नसकेको गुनासो भने निरन्तर रहिआएको छ ।
राजसँस्थाको पारिवारीक र जहानिँया प्रत्यक्ष शासन अन्त्य र लोकतान्त्रिक गणतन्त्रको संस्थागत पुनर्आगमन भएको दिन देशभर भव्यताका साथ मनाइएको हो । २०६२ र ६३ को ऐतिहाँसिक दोश्रो जनआन्दोलन पश्चात बैशाख ११ गते निरंकुश राजतन्त्रको अन्त्य भएको थियो ।
सशस्त्र युद्धरत तत्कालिन नेकपा माओवादी र शान्तिपूर्ण सडक आन्दोलनकारी राजनीतिक दलहरु बीच १२ बुँदे सहमति पश्चात १९ दिने ऐतिहाँसिक जनआन्दोलन भएको थियो ।
आजैका दिन तत्कालिन राजा ज्ञानेन्द्र शाहले विघठित संसद् पुनःस्थापना गर्दै जनताको नासो जनतालाई नै दिएँ भनी शासनसत्ता नेपाली जनतालाई सुम्पिएर नारायणहिटी दरबारबाट बहिर्गमन भएका थिए । त्यहि बैशाख ११ गतेको दिनलाई लोकतन्त्र दिवस भनेर मनाउन थालिएको हो ।
१७ औं लोकतान्त्रीक दिवस भएपनि राजनीतिक दलहरुका प्रधिनिधिले जनताको आशालाई निरासा बनाइरहेका छन् । ठूला भनिएका दल तथा तीनका नेताहरु भ्रष्टचार गर्ने र तिनलाई जोगाउनमै केन्द्रीत रहेको भन्दै जनताको गुनासो निरन्तर आइरहेको छ । तर पनि आशातित नेताहरु सुध्रन सकिरहेका छैनन् ।समृद्धिको बाटोमा हिडाउन संविधानसभाको यात्रा यहि आन्दोलनबाट सुरु भएको थियो । यसको फलस्वरुप सबै नेपालीको आकांक्षा पूरा गर्न २०७२ असोज ३ गते ूनेपालको संविधान९२०७२०ू जारी भएको थियो । अहिले यही संविधानमा टेकेर विकास त भइरहेको छ तर जति चुनावी घोषणा पत्र तथा संविधानमा लेखिएका अधिकारहरु छन् तीनको पूर्ण ग्यारेन्टी र सदूपयोग गर्न भने जनताले पाइरहेका छैनन् ।
