बैशाख ११ । राष्ट्रिय स्वतन्त्र पार्टीका सभापति एवम गृहमन्त्री रवि लामिछानेले परिवर्तनका लागि आफ्नै पार्टीका उम्मेदवारालाई जिताउन आग्रह गर्नुभएको छ । आज इलाममा भएको घरदैलौ कार्यक्रममा बोल्दै लामिछानेले आफूहरु देशको परिवर्तनका लागि उदाएको भन्दै स्थानीय उम्मेदवार मिलन योगहाङ लिम्बुलाई जिताउन आह्वान गर्नुभएको हो । पुराना पार्टीहरुलाई धैरै पटक जिताएपनि यस पटक आफ्नो पार्टीका उम्मेदवारलाई जिताएर परिवर्तनको जग राख्न आग्रह गर्नुभएको हो ।
चुनाव जितेपछि आफ्नो विकास निर्माण गर्नेठाउँमा नफर्कन गुनासो जनताले गरेको भन्दै पुराना पार्टीलेमात्रै त्यसो गरेपनि आफूहरु सधैँ जनतासँग रहने बाचा व्यक्त गर्नुभयो ।
सो अवसरमा स्थानीयले विकास निर्माणका लागि ज्ञापनपत्र समेत बुझाएका थिए । यस्तै इलाममा हुने उपनिर्वाचनका लागि खटाइएका मतदान कर्मचारीले नियुक्ति पत्र र सामग्री बुझेका छन् ।
उपनिर्वाचन हुनेमध्ये फाकफोकथुम, माङसेवुङ, चुलाचुली र माइ नगरपालिकामा खटाइएका कर्मचारी सामग्रीसहित आजै मतदान केन्द्रमा प्रस्थान गरेका छन् ।
यस्तै इलाम र देउमाइ नगरपालिकामा खटाइएका कर्मचारी भोलि बिहानै आ९आफ्ना मतदान केन्द्र प्रस्थान गर्ने तयारी छ । इलाम २ मा उपनिर्वाचनका लागि ७ सय ४५ कर्मचारी र ३ हजार सुरक्षाकर्मी खटाइएको छ । उपनिर्वाचनका लागि जिल्लामा ७९ मतदान स्थल र १ सय ४९ मतदान स्थल छन् ।
