मनप्रसाद भाट, कार्तिक २६ । नवलपुरको देवचुली ९ मा जिप दुर्घटना हुँदा ६ जनाको मृत्यु भएको छ ।
जिल्ला प्रहरी कार्यालय नवलपुरका अनुसार बिहान साँढे ११ बजेको समयमा बौदिकाली गाउँपालिका ६ माझडाँडाबाट दलदलेतर्फ आउँदै गरेको लु १ ज ३२७० नम्बरको जिप गोरेघुम्तीमा दुर्घटना भएको हो ।
दुर्घटनामा ३ पुरुष र ३ महिलाको ज्यान गएको हो ।
मृत्यु हुनेमा जिप चालक सहित ३ महिला रहेका छन् । जिपमा ७ जना सवार रहेका थिए ।
मृत्यु हुनेहरु सबैको पहिचान खुलेको छैन । प्रहरीका अनुसार चालक बौदी काली ६ माझडाँडा बस्ने बर्ष २८÷२९ का छन बहादुर आले , सोही ठाउँकी ५२ बर्षकी कुमारी राना,बर्ष ५५ का टेकमान वानटक्की,बुलिङटार ४ चुलिवोझ बस्ने बर्ष १२ की करिश्मा ठाडा रहेका छन् । अन्यको पहिचान हुन बाँकी छ ।
प्रहरीका अनुसार मृत्यु हुनेहरु अधिकाँशको टाउकोमा गम्भिर चोट सँगै हात खुｧा, ढाड भाँचिएको छ । शव अहिले मध्यविन्दु अस्पतालमा राखिएको छ ।
घाइते मध्यबिन्दु नगरपालिका २ मदनपुर बस्ने बर्ष १८का चिरन अर्यालको उपचार भइरहेको छ ।
अनियन्त्रित भएको जिप घरको भित्तामा आएर ठोकिएको थियो ।
दुर्घटनाको बास्तविक कारण र अन्य कुराको अनुसन्धान भइरहेको नवलपुर प्रहरीले जानकारी दिएको छ ।
